ഭോപാൽ: മധ്യപ്രദേശിലെ ഇൻഡോറിൽ മധ്യവയസ്ക്കയെ ക്രൂര മർദനത്തിന് ഇരയാക്കിയ കേസിൽ മൂന്ന് യുവതികൾ അറസ്റ്റിൽ. മേഘ മാളവ്യ, ടിനാ സോണി, പൂനം അഹിർവാർ എന്നിവരെയാണ് പോലീസ് കസ്റ്റഡി‌യിലെടുത്തത്.
നവംബർ നാലിനാണ് പ്രതികൾ ഇൻഡോറിലെ എൽഐജി ചത്വരത്തിന് സമീപം ഒരു സ്ത്രീയെ ശാരീരികമായി ആക്രമിച്ചത്. പ്രതികൾ ഇവർക്ക് നേരെ അസഭ്യവർഷം നടത്തുകയും ചെയ്തു.
ഗുരുതരമായ പരിക്കേറ്റ സ്ത്രീയുടെ പരാതിയുടെ അടിസ്ഥാനത്തിൽ ഒന്പത് പേർക്കെതിരെ കേസെടുത്തിരുന്നു. കൊലപാതകശ്രമം അടക്കമുള്ള വകുപ്പുകൾ ചുമത്തിയാണ് പോലീസ് കേസ് രജിസ്റ്റർ ചെയ്തത്.
