വൈഎസ്ആറിന്റെ ജീവിതം വെള്ളിത്തിരയിലെത്തിച്ച ‘യാത്ര’യ്ക്ക് ശേഷം മമ്മൂട്ടി വീണ്ടും തെലുങ്കിലേക്ക് ഒരുങ്ങുന്നു . നാഗാര്ജുനയുടെ മകനും യുവതാരവുമായ അഖില് അക്കിനേനിയുടെ ‘ഏജന്റ്’ എന്ന ചിത്രത്തിലാണ് മമ്മൂട്ടി അഭിനയിക്കുന്നത്. ചിത്രത്തില് പട്ടാള ഉദ്യോഗസ്ഥന്റെ വേഷത്തിലാണ്എ താരം എത്തുന്നത് എന്നാണ് റിപ്പോര്ട്ടുകള്. ആക്ഷന് രംഗങ്ങള്ക്ക് ഏറെ പ്രാധാന്യമുള്ള ചിത്രത്തിന്റെ ഷൂട്ടിങ്ങിനായി മമ്മൂട്ടി മറ്റന്നാള് യൂറോപ്പിലേക്ക് പോകുമെന്നും റിപ്പോര്ട്ടുകളുണ്ട്. നിലവില് ചിത്രത്തിന്റെ ഷൂട്ടിങ്ങ് പുരോഗമിക്കുകയാണ്. നവംബര് രണ്ട് വരെയാണ് യൂറോപ്പില് ചിത്രീകരണം. സുരേന്ദര് റെഡ്ഢിയാണ് സിനിമ സംവിധാനം ചെയ്യുന്നത്.