കോട്ടയം: കോട്ടയത്ത് ബൈക്ക് പെട്രോള് ഒഴിച്ച് തീവെച്ച് നശിപ്പിച്ചു. വീടിന് സമീപം പാര്ക്ക് ചെയ്തിരുന്ന ബൈക്ക് ആണ് കത്തിച്ചത്. നീണ്ടൂര് പ്രാവട്ടം ജംഗ്ഷനില് ആണ് സംഭവം. മൂന്ന് യുവാക്കളെ സംഭവുമായി ബന്ധപ്പെട്ട് പോലീസ് പിടികൂടി.
വീട്ടമ്മ നോക്കി നില്ക്കേയാണ് ബൈക്ക് കത്തിച്ചത്. ആക്രമണം നടന്നത് പ്രാവട്ടം താന്നിപറമ്ബ് ജോസിന്റെ വീടിന് മുന്നിലാണ്. രാത്രി പത്തരയോടെയാണ് സംഭവം നടന്നത്.ജോസിന്റെ മകന്റെ ബൈക്ക് ആണ് കത്തിച്ചത്. ഹെല്മെറ്റ് ധരിച്ചെത്തിയെ ഇവര് കൈയില് കരുതിയിരുന്ന കന്നാസിലെ പെട്രോള് ബൈക്കില് ഒഴിച്ചതിന് ശേഷം ബൈക്ക് കത്തിക്കുകയായിരുന്നു.
വ്യാഴാഴ്ച രാത്രി പത്തരയോടെ വീട്ടമ്മ നോക്കി നില്ക്കേയാണ് ആക്രമണം. വീടിന്റെ ജനലുകള്ക്കും ഭിത്തികള്ക്കും കേടുപാടുണ്ടാക്കി. മുറിക്കുള്ളില് ഉണ്ടായിരുന്ന ഗ്യാസ് സിലിണ്ടര് പൊട്ടിത്തെറിക്കാതിരുന്നത് വന് ദുരന്തം ഒഴിവായി. . പ്രാവട്ടം താന്നിപറമ്ബ് ജോസിന്റെ വീടിന് മുന്നിലാണ് ആക്രമണം നടന്നത്. കാണക്കാരി വലിയതടത്തില് ഡെല്വിന് (23), നീണ്ടൂര് കൈവിലേക്കകത്ത് നിക്കോളാസ് (20), ഓണംതുരുത്ത് മേടയില് അലക്സ് പാസ്കല് (20) എന്നിവരെയാണ് ഏറ്റുമാനൂര് പൊലീസ് അറസ്റ്റ് ചെയ്തത്.