രാത്രി കര്‍ഫ്യൂ പ്രാബല്യത്തില്‍ വരുമ്പോള്‍ രാത്രി 10 മണിക്ക് മുമ്പായി യാത്ര പൂര്‍ത്തിയാക്കണമെന്ന് ദില്ലി മെട്രോ റെയില്‍ കോര്‍പ്പറേഷന്‍ (ഡിഎംആര്‍സി) ചൊവ്വാഴ്ച നിര്‍ദേശം നല്‍കി. കൊറോണ വൈറസ് കേസുകള്‍ ദില്ലിയില്‍ കൂടുന്നതിനാല്‍ ഏപ്രില്‍ 30 വരെ അടിയന്തര പ്രാബല്യത്തില്‍ കെജ്‌രിവാള്‍ സര്‍ക്കാര്‍ രാത്രി 10 മുതല്‍ രാവിലെ 5 വരെ ഏഴു മണിക്കൂര്‍ കര്‍ഫ്യൂ ഏര്‍പ്പെടുത്തിയിട്ടുണ്ട്.
ഇന്ന് രാത്രി മുതല്‍ ദില്ലിയില്‍ രാത്രി കര്‍ഫ്യൂ ഏര്‍പ്പെടുത്തിയത് കണക്കിലെടുത്ത്, സര്‍ക്കാര്‍ ഉത്തരവ് പ്രകാരം, ഡിഎംആര്‍സി അവരുടെ സാധുവായ ഐഡികള്‍ പരിശോധിച്ച ശേഷം അവശ്യ വിഭാഗത്തില്‍പ്പെടുന്ന യാത്രക്കാര്‍ക്ക് മാത്രമേ രാത്രി 10 മുതല്‍ പുലര്‍ച്ചെ 5 വരെ മെട്രോയില്‍ പ്രവേശനം അനുവദിക്കൂ. സി.ഐ.എസ്.എഫ് ഉദ്യോഗസ്ഥര്‍, ഡി.എം.ആര്‍.സി പ്രസ്താവനയില്‍ പറഞ്ഞു. അവശ്യ വിഭാഗത്തില്‍ പെടാത്ത യാത്രക്കാര്‍ക്ക് യാത്ര പൂര്‍ത്തിയാക്കി രാത്രി 10 മണിയോടെ ലക്ഷ്യസ്ഥാനത്ത് എത്താന്‍ നിര്‍ദ്ദേശിച്ചിട്ടുമുണ്ട്.
വിമാനത്താവളങ്ങള്‍, റെയില്‍‌വേ സ്റ്റേഷനുകള്‍, സ്റ്റേറ്റ് ബസ് ടെര്‍മിനസ് എന്നിവിടങ്ങളിലേക്ക് യാത്ര ചെയ്യുന്നവര്‍ക്കാണ് ഇളവുകള്‍; ഗര്‍ഭിണികള്‍, രോഗികള്‍, നയതന്ത്ര ഉദ്യോഗസ്ഥരുടെ ഓഫീസുകളുടെ പ്രവര്‍ത്തനവുമായി ബന്ധപ്പെട്ട ഉദ്യോഗസ്ഥര്‍,എന്നിവരെയാണ് ഇതില്‍ നിന്ന് ഒഴിവാക്കിയിരിക്കുന്നത്.
ആരോഗ്യം, പോലീസ്, ജയിലുകള്‍, ഹോം ഗാര്‍ഡുകള്‍, സിവില്‍ ഡിഫന്‍സ് തുടങ്ങിയ അടിയന്തര സേവനങ്ങളില്‍ ഏര്‍പ്പെട്ടിരിക്കുന്ന കേന്ദ്ര, ദില്ലി സര്‍ക്കാര്‍ ഉദ്യോഗസ്ഥരെയും ഒഴിവാക്കും.
