ലോകത്ത് കോവിഡ് ബാധിതരുടെ എണ്ണം 9.5 കോടി കടന്നു.നിലവില് 95,479,062 പേര്ക്ക് രോഗം ബാധിച്ചെന്നാണ് ഔദ്യോഗിക കണക്ക്. 2,039,601 പേര് കോവിഡ് ബാധിച്ച് മരണത്തിന് കീഴടങ്ങിയപ്പോള് 68,167,161 പേര് രോഗമുക്തി നേടുകയും ചെയ്തു.
വോള്ഡോ മീറ്ററും ജോണ്സ് ഹോപ്കിന്സ് സര്വകലാശാലയും ചേര്ന്ന് പുറത്തുവിട്ടതാണീ കണക്ക്. അമേരിക്ക, ഇന്ത്യ, ബ്രസീല്, റഷ്യ, ഫ്രാന്സ്, ബ്രിട്ടന്, തുര്ക്കി, ഇറ്റലി, സ്പെയിന്, ജര്മനി, കൊളംബിയ, അര്ജന്റീന, മെക്സിസ്കോ, പോളണ്ട്, ഇറാന്, ദക്ഷിണാഫ്രിക്ക, ഉക്രെയിന്, പെറു, നെതര്ലന്ഡ്സ്, ഇന്തോനീഷ്യ എന്നീ രാജ്യങ്ങളാണ് കോവിഡ് ബാധിതരുടെ എണ്ണത്തില് ആദ്യ 20ല് ഉള്ളത്.
യുഎസില് രണ്ട് കോടി നാല്പത്തിനാല് ലക്ഷം പേര്ക്കാണ് ഇതുവരെ രോഗം സ്ഥിരീകരിച്ചത്. ഒന്നര ലക്ഷത്തിലധികം പുതിയ കേസുകള് റിപ്പോര്ട്ട് ചെയ്തു.4,07,160 പേര് മരിച്ചു. ഒരു കോടി നാല്പത്തിനാല് ലക്ഷം പേര് സുഖം പ്രാപിച്ചു.
ഇന്ത്യയില് 1,05,72,672 പേര്ക്കാണ് കൊവിഡ് സ്ഥിരീകരിച്ചത്.നിലവില് 2,05,109 പേരാണ് ചികിത്സയിലുള്ളത്. 1.52 ലക്ഷം പേര് മരിച്ചു. രോഗമുക്തി നേടിയവരുടെ എണ്ണം 1,02,10,697 ആയി ഉയര്ന്നു. ബ്രസീലില് എണ്പത്തിനാല് ലക്ഷം രോഗബാധിതരാണ് ഉള്ളത്. 2,09,868 പേര് മരിച്ചു. എഴുപത്തിനാല് ലക്ഷം പേര് സുഖം പ്രാപിച്ചു.