മുംബൈ : മഹാരാഷ്ട്രയില് എട്ട് പേര്ക്ക് ജനിതകമാറ്റം സംഭവിച്ച പുതിയ കോവിഡ് സ്ഥിരീകരിച്ചു. യുകെയില് നിന്നെത്തിയവര്ക്കാണ് രോഗം സ്ഥികീകരിച്ചത് . മഹാരാഷ്ട്ര ആരോഗ്യമന്ത്രി രാജേഷ് ടോപ്പെയാണ് ഇക്കാര്യം അറിയിച്ചത് . രോഗം സ്ഥിരീകരിച്ചവരില് അഞ്ച് പേര് മുംബൈ സ്വദേശികളും മറ്റ് മൂന്ന് പേര് പൂനെ, താനെ, മിര ബയാന്തര് സ്വദേശികളുമാണ്.
മഹാരാഷ്ട്രയില് 4000ത്തോളം പേരാണ് സമീപകാലത്ത് യു.കെയില് നിന്ന് എത്തിയത്. ഇവരില് 43 പേര്ക്ക് കോവിഡ് സ്ഥിരീകരിച്ചതില് എട്ട് പേരിലാണ് പുതിയ വൈറസ് വകഭേദത്തെ കണ്ടെത്തിയത്.പുതിയ വൈറസ് ബാധ റിപ്പോര്ട്ട് ചെയ്ത സാഹചര്യത്തില് യു.കെയില് നിന്നെത്തുന്ന യാത്രക്കാരെ വിമാനത്താവളങ്ങളില് തന്നെ ക്വാറന്റീന് ചെയ്യാനുള്ള സംവിധാനമൊരുക്കണമെന്ന് മഹാരാഷ്ട്ര മുഖ്യമന്ത്രി ഉദ്ധവ് താക്കറെ കേന്ദ്ര സര്ക്കാറിനോട് ആവശ്യപ്പെട്ടു.