തിരുവനന്തപുരം: ആദ്യ ടേമില് മന്ത്രിപദം നിര്ബന്ധമില്ലെന്നും ഇക്കാര്യത്തില് പിടിവാശിയില്ലെന്നും ജനാധിപത്യ കേരള കോണ്ഗ്രസ് നേതാവും എംഎല്എയുമായ ആന്റണി രാജു. ഇക്കാര്യത്തില് മുന്നണിക്കായി വിട്ടുവീഴ്ചയ്ക്ക് തയാറാണെന്ന് അദ്ദേഹം വ്യക്തമാക്കി.
ജനാധിപത്യ കേരള കോണ്ഗ്രസ്, കേരള കോണ്ഗ്രസ്- ബി, കോണ്ഗ്രസ്- എസ്, ഐഎന്എല് എന്നീ ഒറ്റ എംല്എമാരുള്ള കക്ഷികള്ക്ക് ടേം അടിസ്ഥാനത്തില് മന്ത്രിമാരെ നല്കാനാണ് ഇടതു മുന്നണിയിലെ തീരുമാനം.
ആന്റണി രാജുവും ഗണേഷ്കുമാറും ആദ്യ രണ്ടര വര്ഷവും രാമചന്ദ്രന് കടന്നപ്പള്ളിയും അഹമ്മദ് ദേവര്കോവിലും രണ്ടാം ടേമിലും എന്നാണ് നിലവിലെ ധാരണ. അതിനിടെയാണ് ആന്റണി രാജുവിന്റെ പ്രതികരണം.