പത്തനംതിട്ടയിൽ രണ്ട് കുട്ടികളുൾപ്പടെ നാലു പേർ മുങ്ങിമരിച്ചു

തിരുനെൽവേലി സ്വദേശികളായ കാർത്തിക് , ശബരിനാഥ് എന്നിവരാണ് മണിമലയാറ്റിൽ മുങ്ങിമരിച്ചത്. മണിമലയാറ്റിലെ വടക്കൻ കടവിൽ ഇന്ന് വൈകിട്ട് 3.45 ഓടെയാണ് അപകടം സംഭവിച്ചത്. കുട്ടികൾ മുങ്ങി താഴുന്നത് കണ്ട് പ്രദേശവാസികൾ നദിയിൽ ചാടി കുട്ടികളെ കരയ്‌ക്കെത്തിക്കുകയായിരുന്നു. തുടർന്ന് മല്ലപ്പള്ളി താലൂക്ക് ആശുപത്രിയിലും , സ്വകാര്യ ആശുപത്രിയിലുമായി കുട്ടികളെ എത്തിച്ചെങ്കിലും രണ്ടു പേരുടെയും ജീവൻ രക്ഷിക്കാനായില്ല. ബന്ധുവീട്ടിലെ ഒരു ചടങ്ങിൽ പങ്കെടുക്കുന്നതിനായാണ് കുട്ടികൾ ഉൾപ്പെടെയുള്ളവർ മല്ലപ്പള്ളിയിൽ ഇന്ന് എത്തിയത്.