Author: Editorial Team

ന്യൂഡൽഹി: ഇന്ത്യൻ അതിർത്തിക്കുള്ളിലെ സ്ഥലങ്ങൾക്ക് പുതിയ പേരുകൾ നൽകുന്ന ചൈനയുടെ നീക്കം തള്ളി ഇന്ത്യ. ഞായറാഴ്ച പുറത്തുവിട്ട ഔദ്യോഗിക പ്രസ്താവനയിലാണ് വിദേശകാര്യ മന്ത്രാലയ വക്താവ് രൺധീർ ജയ്‌സ്വാൾ ഇക്കാര്യം അറിയിച്ചത്. വ്യാജ അവകാശവാദങ്ങൾ ഉന്നയിക്കുന്നതും അടിസ്ഥാനരഹിതമായ കഥകൾ മെനയുന്നതും യാഥാർഥ്യത്തെ ഇല്ലാതാക്കില്ലെന്ന് ജയ്‌സ്വാൾ ചൂണ്ടിക്കാട്ടി. ഇന്ത്യയുടെ ഭൂപടത്തിൽ ഉൾപ്പെടുന്ന എല്ലാ പ്രദേശങ്ങളും എന്നും ഇന്ത്യയുടെ അവിഭാജ്യ ഘടകമാണെന്നും അത് അങ്ങനെതന്നെ തുടരുമെന്നും അദ്ദേഹം പറഞ്ഞു. അരുണാചൽ പ്രദേശിലെ വിവിധ സ്ഥലങ്ങൾക്ക് പേരുകൾ നൽകാനുള്ള ചൈനയുടെ നീക്കം, ഇരുരാജ്യങ്ങളും തമ്മിലുള്ള ഉഭയകക്ഷി ബന്ധത്തിൽ വിള്ളലുണ്ടാക്കുമെന്ന് വിദേശകാര്യ മന്ത്രാലയം മുന്നറിയിപ്പ് നൽകി. ഇന്ത്യൻ പ്രദേശങ്ങൾക്ക് പുതിയ പേരുകൾ നൽകാനുള്ള ചൈനയുടെ നീക്കങ്ങളെ ഇന്ത്യ തള്ളിക്കളയുന്നതായി രൺധീർ ജയ്‌സ്വാൾ പറഞ്ഞു. 2020 മെയ് മാസത്തിലുണ്ടായ ഗാൽവാൻ സംഘർഷത്തിന് ശേഷം നിയന്ത്രണ രേഖയിലെ സംഘർഷങ്ങൾ കുറയ്ക്കുന്നതിനായി ഇരുരാജ്യങ്ങളും ചർച്ചകൾ നടത്തിവരികയാണ്. ഇതിനിടയിലാണ് ഇന്ത്യൻ ഭൂപ്രദേശത്തിലുൾപ്പെടുന്ന അരുണാചലിലെ സ്ഥലങ്ങൾക്ക് ചൈന പുതിയ പേരുകൾ നൽകിയത്. 2025 മെയ് മാസത്തിലും അരുണാചലിലെ സ്ഥലങ്ങൾക്ക് പേര് നൽകാനുള്ള ചൈനയുടെ നീക്കങ്ങളെ ഇന്ത്യ...

കൊൽക്കത്ത: പശ്ചിമ ബംഗാളിൽ തൃണമൂൽ കോൺഗ്രസ് സർക്കാറിനെ അട്ടിമറിക്കാൻ ബി.ജെ.പി 1000 കോടി രൂപയുടെ കരാറുണ്ടാക്കിയെന്ന് മുഖ്യമന്ത്രി മമത ബാനർജി. ബാങ്കുറ ജില്ലയിലെ ഒണ്ടയിൽ നടന്ന തെരഞ്ഞെടുപ്പ് റാലിയിൽ സംസാരിക്കുകയായിരുന്നു മമത. ന്യൂനപക്ഷ വോട്ടുകൾ ഭിന്നിപ്പിച്ച് തൃണമൂലിനെ പരാജയപ്പെടുത്താൻ ബി.ജെ.പി വൻതോതിൽ പണമൊഴുക്കുകയാണെന്നും മമത ആരോപിച്ചു.  ആം ജനത ഉന്നയൻ പാർട്ടി അധ്യക്ഷൻ ഹുമയൂൺ കബീറിന്റേതെന്ന പേരിൽ പ്രചരിക്കുന്ന വൈറൽ വിഡിയോ ചൂണ്ടിക്കാട്ടിയായിരുന്നു മുഖ്യമന്ത്രിയുടെ വിമർശനം. താൻ സുവേന്ദു അധികാരി ഉൾപ്പെടെയുള്ള ബി.ജെ.പി നേതാക്കളുമായി സമ്പർക്കത്തിലാണെന്നും തൃണമൂലിനെ വീഴ്ത്താൻ 1000 കോടി രൂപയുടെ കരാറിൽ 200 കോടി രൂപ അഡ്വാൻസ് കൈപ്പറ്റിയെന്നും കബീർ പറയുന്നതാണ് വിഡിയോയുടെ ഉള്ളടക്കം. എന്നാൽ, ഈ വിഡിയോയുടെ വിശ്വാസ്യത സ്വതന്ത്രമായി സ്ഥിരീകരിക്കപ്പെട്ടിട്ടില്ലെന്നാണ് ഹുമയൂൺ കബീർ പ്രതികരിച്ചിരുന്നത്. തെരഞ്ഞെടുപ്പ് ഡ്യൂട്ടിക്കായി എത്തിയ കേന്ദ്രസേന പരിശോധനയുടെ പേരിൽ സ്ത്രീകളെ അപമാനിക്കുകയാണെന്നും മമത ആരോപിച്ചു. വോട്ടർമാരെ സ്വാധീനിക്കാൻ ബി.ജെ.പി പണം നൽകുന്നുണ്ടെന്നും വോട്ടെടുപ്പിന് ശേഷം അവർ നൽകിയ വാഗ്ദാനങ്ങളെല്ലാം മറക്കുമെന്നും ബിഹാറിലെ സാഹചര്യം ഉദാഹരണമാക്കി അവർ പറഞ്ഞു. വോട്ടർ പട്ടിക പുതുക്കുന്ന എസ്.ഐ.ആർ പ്രക്രിയയിൽ നടന്നത് രാജ്യത്തെ ഏറ്റവും വലിയ അഴിമതിയാണെന്നും മമത വിശേഷിപ്പിച്ചു. 2026ഓടെ കേന്ദ്ര ബി.ജെ.പി സർക്കാർ അധികാരത്തിൽനിന്ന് വീഴുമെന്നും മമത പ്രവചിച്ചു. ” 2026ൽ നിങ്ങളുടെ സർക്കാർ എല്ലായിടത്തും കൂപ്പുകുത്തുമെന്ന് ലോകത്തിനു മുഴുവനും അറിയാം.. അന്ന് ബി.ജെ.പി സർക്കാർ കൊണ്ടുവന്ന ജനവിരുദ്ധ നിയമങ്ങളെല്ലാം ഞങ്ങൾ റദ്ദാക്കും,” മമത പറഞ്ഞു.  വോട്ടിങ് മെഷീനുകളിൽ ബി.ജെ.പി കൃത്രിമം കാണിക്കുന്നുണെന്നും മന്ദഗതിയിലുള്ള വോട്ടെടുപ്പിനും വോട്ടെണ്ണലിനും അവർ പദ്ധതിയിടുന്നുണ്ടെന്നും അണികൾ ജാഗ്രത പാലിക്കണമെന്നും മുഖ്യമന്ത്രി ആഹ്വാനം...

ന്യൂഡൽഹി: ഇന്ത്യയുമായുള്ള സൈനിക ബന്ധം കൂടുതൽ ശക്തമാക്കുന്നതിന്റെ ഭാഗമായി, തങ്ങളുടെ അത്യാധുനിക അഞ്ചാം തലമുറ യുദ്ധവിമാനമായ സുഖോയ്-57 ഇന്ത്യയ്ക്ക് നൽകാൻ റഷ്യ ഔദ്യോഗിക നിർദ്ദേശം മുന്നോട്ടുവെച്ചു. ഏകദേശം രണ്ട് സ്‌ക്വാഡ്രണുകളിലായി 36 മുതൽ 40 വരെ വിമാനങ്ങൾ നൽകാനാണ് മോസ്‌കോ തയ്യാറായിരിക്കുന്നത്. റഷ്യൻ വാർത്താ ഏജൻസിയായ ടാസിനെ (TASS) ഉദ്ധരിച്ച് പുറത്തുവന്ന റിപ്പോർട്ടുകൾ പ്രകാരം, ഈ പ്രതിരോധ ഇടപാട് യാഥാർത്ഥ്യമായാൽ 2027-നും 2028-നും ഇടയിൽ വിമാനങ്ങളുടെ കൈമാറ്റം ആരംഭിക്കും. 2030-31 കാലയളവോടെ വിമാനങ്ങൾ പൂർണ്ണമായും ഇന്ത്യൻ വ്യോമസേനയുടെ ഭാഗമാകും. ഇന്ത്യ സ്വന്തമായി വികസിപ്പിക്കുന്ന അഡ്വാൻസ്ഡ് മീഡിയം കോംബാറ്റ് എയർക്രാഫ്റ്റ് (AMCA) പ്രവർത്തനസജ്ജമാകുന്നത് വരെയുള്ള ഒരു ഇടക്കാല പരിഹാരമായി റഷ്യൻ വിമാനം വാങ്ങുന്നതിനേപ്പറ്റി കേന്ദ്രസർക്കാർ ആലോചിക്കുന്നുണ്ട്. ഈ പശ്ചാത്തലത്തിലാണ് റഷ്യ ഔദ്യോഗികമായി നിർദ്ദേശം മുന്നോട്ടുവെച്ചത്. ഇന്ത്യയുടെ ‘ആത്മനിർഭർ ഭാരത്’ പദ്ധതിയുമായി ബന്ധപ്പെടുത്തി വിമാന നിർമ്മാണത്തിന്റെ 50 ശതമാനം വരെ ഹിന്ദുസ്ഥാൻ എയറോനോട്ടിക്‌സ് ലിമിറ്റഡുമായി (HAL) ചേർന്ന് ഇന്ത്യയിൽ തന്നെ പൂർത്തിയാക്കാൻ റഷ്യ സമ്മതിച്ചിട്ടുണ്ട്. അങ്ങനെയെങ്കിൽ മഹാരാഷ്ട്രയിലെ നാസിക്കിലെ പ്ലാന്റിലാകും വിമാനം നിർമിക്കുക. റഷ്യൻ അധികൃതർ ഈ പ്ലാന്റ് സന്ദർശിച്ച് എസ്.യു-57 നിർമിക്കാനാവശ്യമായ സൗകര്യങ്ങൾ വിലയിരുത്തിയിരുന്നു. അതേസമയം നിലവിൽ ചർച്ചകൾ പ്രാരംഭ ഘട്ടത്തിലാണ്, അന്തിമ തീരുമാനം ഇതുവരെ പ്രഖ്യാപിച്ചിട്ടില്ല. നിർമാണത്തിനാവശ്യമായ സാങ്കേതിക വിദ്യ കൈമാറ്റത്തിനും റഷ്യ സന്നദ്ധത അറിയിച്ചിട്ടുണ്ട്. നിലവിൽ എൽ-41എഫ്1 എൻജിനുകളാണ് ഈ വിമാനങ്ങളിൽ ഉപയോഗിക്കുന്നത്. എന്നാൽ ഭാവിയിൽ വിമാനത്തിന്റെ കരുത്തും സ്റ്റെൽത്ത് ശേഷിയും വർദ്ധിപ്പിക്കുന്ന അടുത്ത തലമുറ എൻജിനുകൾ ഇതിൽ ഉൾപ്പെടുത്താമെന്നും റഷ്യ വാഗ്ദാനം ചെയ്യുന്നുണ്ട്. വായുസേനയുടെ കരുത്ത് വർദ്ധിപ്പിക്കുന്നതിലൂടെ പ്രാദേശികമായി ഇന്ത്യയ്ക്ക് വലിയ പ്രതിരോധ മേധാവിത്വം നേടാൻ ഈ വിമാനങ്ങൾ സഹായിക്കും. എങ്കിലും ഈ കരാറിൽ ഒപ്പിടുന്നതിന് മുമ്പ് ഇന്ത്യ പല ഘടകങ്ങളും പരിശോധിക്കുന്നുണ്ട്. പദ്ധതിയുടെ ആകെ ചെലവ്, കൈമാറുന്ന സാങ്കേതികവിദ്യയുടെ ആഴം, ഒരു വിദേശ രാജ്യത്തെ മാത്രം അമിതമായി ആശ്രയിക്കുന്നത് ഇന്ത്യയുടെ സ്വതന്ത്രമായ തന്ത്രപ്രധാന നിലപാടുകളെ ബാധിക്കുമോ തുടങ്ങിയ കാര്യങ്ങളാണ് സർക്കാർ പ്രധാനമായും പരിഗണിക്കുന്നത്. വരും മാസങ്ങളിൽ സാങ്കേതികവും സാമ്പത്തികവുമായ വിശദമായ പഠനങ്ങൾ നടന്ന ശേഷമേ ഇന്ത്യ ഈ വിമാനങ്ങൾ വാങ്ങുന്ന കാര്യത്തിൽ വ്യക്തത വരുത്തുകയുള്ളൂ. നേരത്തെ ഇന്ത്യയിൽ വിമാനം നിർമിക്കാൻ വലിയ വാഗ്ദാനങ്ങൾ റഷ്യനൽകിയിരുന്നു. വിമാനത്തിന്റെ സോഴ്‌സ് കോഡ് ഉൾപ്പെടെ കൈമാറാമെന്നാണ് അറിയിച്ചിരുന്നത്. എന്നാൽ സാങ്കേതിക വിദ്യ കൈമാറ്റമുൾപ്പെടെ 100 യുദ്ധവിമാനങ്ങൾ ഇന്ത്യയ്ക്ക് വിൽക്കാനാണ് റഷ്യ ആഗ്രഹിക്കുന്നത്. ഇതിന് പുറമെ ഇന്ത്യയുമായുണ്ടായിരുന്ന പഴയ അഞ്ചാംതലമുറ യുദ്ധവിമാന സഹകരണ കരാർ പുനരുജ്ജീവിപ്പിക്കാനും റഷ്യ പദ്ധതിയിടുന്നുണ്ട്. ഇരുരാജ്യങ്ങളും സഹകരിച്ച് ഇരട്ട സീറ്റുള്ള എസ്.യു-57 വികസിപ്പിക്കാനാണ് നീക്കം. എന്നാൽ ഇതിന് കൂടുതൽ പണച്ചെലവുണ്ടാകുമെന്നതും തദ്ദേശീയമായ എഎംസിഎ പദ്ധതിയിൽ വലിയ നിക്ഷേപം നടത്തിയിട്ടുള്ളതിനാലും ഇക്കാര്യത്തിൽ മുന്നോട്ടുപോകാൻ സാധ്യതയില്ല. ഗവൺമെന്റ് തലത്തിലുള്ള ഇടപാടിലൂടെ രണ്ട് സ്‌ക്വാഡ്രൺ വാങ്ങാനാണ് ഇന്ത്യ...