സുൽത്താൻ ബത്തേരി: ചീരാലിൽ വീണ്ടും കടുവയുടെ ആക്രമണം. ചീരാൽ സ്വദേശി സ്കറിയയുടെ പശുവിനെ കടുവ കൊന്നു. ഇന്ന് പുലർച്ചെ മൂന്നോടെയായിരുന്നു ആക്രമണം. ഇതോടെ രണ്ടാഴ്ചക്കുള്ളില്‍ കടുവ ആക്രമിച്ച പശുക്കളുടെ എണ്ണം പത്തായി.
ചീരാലുകാരുടെ പേടിസ്വപ്‌നമായി മാറിയിരിക്കുകയാണ് കടുവ. ജനങ്ങളുടെ പ്രതിഷേധം കനത്തപ്പോള്‍ വനംവകുപ്പ് ഇപ്പോള്‍ സര്‍വ്വ സന്നാഹങ്ങളും ഉപയോഗിച്ച് തെരയുന്നുണ്ടെങ്കിലും പൊടിപോലുമില്ല കണ്ടുപിടിക്കാന്‍ എന്നതാണ് അവസ്ഥ.
