ഗുരുവായൂർ: പ്രമുഖ വ്യവസായി മുകേഷ് അംബാനി ഗുരുവായൂർ ക്ഷേത്രത്തിൽ ദർശനം നടത്തി. വൈകീട്ട് 5.10 ഓടെ ക്ഷേത്രത്തിലെത്തിയ മുകേഷ് അംബാനി സോപാനത്തിൽ നെയ്യ് സമർപ്പിച്ച് പ്രാർഥിച്ചു. തുടർന്ന് ഉപദേവനായ ഗണപതിയെ തൊഴുത് പുറത്തുകടന്ന അദ്ദേഹം ക്ഷേത്രം പ്രദക്ഷിണം ചെയ്തു.
പടിഞ്ഞാറെ ഗോപുരത്തിലൂടെ പുറത്തുകടന്ന മുകേഷ് അംബാനി ശീവേലിക്കായി കൊണ്ടുവന്ന ചെന്താമരാക്ഷൻ, ബലറാം എന്നീ കൊന്പന്മാർക്ക് പഴം നൽകി. വീണ്ടും ക്ഷേത്രത്തിനുള്ളിൽ പ്രവേശിച്ച അദ്ദേഹം ഭഗവതിയെ തൊഴുതശേഷം വലിയ ബലിക്കല്ലിനു മുന്നിൽനിന്ന് ഗുരുവായൂരപ്പനെ തൊഴുതു. അവിടെവച്ച് 1.51 കോടി രൂപയുടെ ചെക്ക് ചെയർമാൻ ഡോ. വി.കെ. വിജയനു കൈമാറി.