ഡല്‍ഹി: ഡല്‍ഹിയില്‍ ഇന്ധനവിലയില്‍ സര്‍ജിക്കല്‍ സ്ട്രൈക്ക് നടത്തി മുഖ്യമന്ത്രി അരവിന്ദ് കെജ്രിവാള്‍. വ്യാഴാഴ്ച നടത്തിയ പ്രത്യേക വിര്‍ച്വല്‍ ബ്രീഫിങ്ങില്‍ ഡീസലിെന്‍റ വാറ്റ് നികുതി വെട്ടിക്കുറക്കാന്‍ തീരുമാനിച്ചതായി അദ്ദേഹം അറിയിച്ചു.
നിലവില്‍ ഡീസലിെന്‍റ വാറ്റ് നികുതി 30 ശതമാനമാണ്. ഇത് 16.75 ശതമാനമായാണ് കുറക്കുന്നത്. നികുതി ഇളവുചെയ്യുന്നതോടെ എട്ട് രൂപയാണ് ഡീസലിന് കുറയുക. 81.94രൂപയാണ് ഒരു ലിറ്റര്‍ ഡീസലിെന്‍റ തലസ്ഥാനത്തെ വില. പെട്രോളിനെ അപേക്ഷിച്ച്‌ ഇത് രണ്ട് ശതമാനം കൂടുതലാണ്.
കുറച്ചുനാളുകളായി പെട്രോളിനേക്കാള്‍ കൂടിയ വിലയിലാണ് ഡല്‍ഹിയില്‍ ഡീസല്‍ വിറ്റഴിക്കുന്നത്. നിലവിലെ പ്രഖ്യാപനത്തോടെ ഡീസല്‍ വില 73.64രൂപയാകുമെന്നാണ് കണക്കാക്കുന്നത്. ഡല്‍ഹി മന്ത്രിസഭ യോഗമാണ് നിര്‍ണായക തീരുമാനം എടുത്തത്. പുതിയ നീക്കത്തോടെ സമ്ബദ്വ്യവസ്ഥയില്‍ ഉണര്‍വ്വ് ഉണ്ടാകുമെന്നാണ് കണക്കാക്കുന്നത്. ഡല്‍ഹിയിലെ വ്യവസായികളും കച്ചവടക്കാരും വാറ്റ് കുറയ്ക്കണമെന്ന് നിരന്തരം ആവശ്യപ്പെട്ടിരുന്നു.
