പ്രധാനമന്ത്രിക്കെതിരായ ഗൂഢാലോചന രാജ്യദ്രോഹത്തിന് തുല്യമാണെന്നും അത് വളരെ ഗുരുതരമായ കുറ്റമാണെന്നും ഡൽഹി ഹൈക്കോടതി ബുധനാഴ്ച വാക്കാൽ അഭിപ്രായപ്പെട്ടു.
പ്രധാനമന്ത്രിക്കെതിരെ ആരോ ഗൂഢാലോചന നടത്തിയെന്ന ആരോപണം നിരുത്തരവാദപരമായി ഉന്നയിക്കാനാവില്ലെന്നും കൃത്യമായ കാരണങ്ങളുടെ അടിസ്ഥാനത്തിൽ വേണം ഉന്നയിക്കേണ്ടതെന്നും ജസ്റ്റിസ് ജസ്മീത് സിംഗ് വാദത്തിനിടെ പറഞ്ഞു.
“പ്രധാനമന്ത്രിയെ ലക്ഷ്യം വച്ചുള്ള ഗൂഢാലോചന ഐപിസി പ്രകാരം കുറ്റകരമാണ്. അത് രാജ്യദ്രോഹമാണ്,” കോടതി അഭിപ്രായപ്പെട്ടു.
