തൃശൂർ: ഇരിങ്ങാലക്കുട കൂടല്‍മാണിക്യം ക്ഷേത്രത്തില്‍ അഹിന്ദുവിനെ പ്രവേശിപ്പിച്ചതായി ആക്ഷേപം. ഇതുമായി ബന്ധപ്പെട്ട് എൻ.ഡി.എ സ്ഥാനാർഥി സുരേഷ് ഗോപിക്കെതിരെയാണ് പരാതി. തെരഞ്ഞെടുപ്പ് പ്രചാരണത്തിനിടെ കൂടല്‍മാണിക്യം ക്ഷേത്രത്തില്‍ അഹിന്ദുവിനെ പ്രവേശിപ്പിച്ചതായാണ് പരാതി.
കഴിഞ്ഞ ദിവസം ബി.ജെ.പി ന്യൂനപക്ഷ മോര്‍ച്ച നേതാവ് ലിഷോൺ ജോസ് കാട്ട്‌ളയാണ് സുരേഷ് ഗോപിക്കൊപ്പം ക്ഷേത്രത്തിലെത്തിയത്. ചാലക്കുടി സ്വദേശിയാണ് ദേവസ്വം അഡ്മിനിസ്‌ട്രേറ്റര്‍ക്ക് ഈ വിഷയത്തിൽ പരാതി നൽകിയത്. ലിഷോണിനെതിരെയും സുരേഷ് ഗോപിക്കെതിരെയും നിയമനടപടി സ്വീകരിക്കണമെന്നാണ് പരാതിയിലുള്ളത്.
