മഞ്ചേശ്വരം: ബൈക്കില് കടത്താൻ ശ്രമിച്ച നാല് കിലോ കഞ്ചാവുമായി മഞ്ചേശ്വരം സ്വദേശി കർണാടകയിൽ അറസ്റ്റിൽ. മഞ്ചേശ്വരം സുങ്കതക്കട്ടെയിലെ മുഹമ്മദ് റാസിക്കിനെയാണ് ഉള്ളാൾ പോലീസ് അറസ്റ്റ് ചെയ്തത്.
ബൈക്കില് നിന്ന് നാല് കിലോ കഞ്ചാവും ഒരു ലക്ഷം രൂപയും പോലീസ് പിടിച്ചെടുത്തു. പ്രതിക്കെതിരെ കാസര്കോട്, കുമ്പള സ്റ്റേഷനുകളില് കൊലപാതകശ്രമം, കഞ്ചാവ് വില്പന തുടങ്ങിയവക്ക് കേസുകളുണ്ട്.
റാസിക്കിനൊപ്പം ഉണ്ടായിരുന്നയാൾ ഓടി രക്ഷപ്പെട്ടു. ഇയാൾക്കായുള്ള തെരച്ചിൽ ശക്തമാക്കിയതായി പോലീസ് അറിയിച്ചു.