ഭോപ്പാല്: മധ്യപ്രദേശില് അക്ഷരത്തെറ്റ് വരുത്തിയതിന് അഞ്ചുവയസുകാരിയുടെ കൈ അധ്യാപകന് വളച്ചൊടിച്ചു. സംഭവത്തില് സ്വകാര്യ ട്യൂഷന് സെന്ററിലെ അധ്യാപകനായ പ്രയാഗ് വിശ്വകര്മ്മയെ(22) പോലീസ് അറസ്റ്റ് ചെയ്തു. ജുവനൈല് ജസ്റ്റീസ് ആക്ട് പ്രകാരം ഇയാള്ക്കെതിരെ പോലീസ് കേസെടുത്തു.
മധ്യപ്രദേശിലെ ഭോപ്പാലിലാണ് സംഭവം. “പാരറ്റ്’ എന്ന വാക്കില് അക്ഷരത്തെറ്റ് വരുത്തിയതിനാണ് കുട്ടിക്ക് ക്രൂരമായ ശിക്ഷ നല്കിയത്. ഇയാള് കുട്ടിയെ മര്ദിച്ചെന്നും കൈ വളച്ചൊടിക്കുകയായിരുന്നെന്നും പോലീസ് അറിയിച്ചു. കുട്ടിയുടെ വലതുകൈക്ക് ഗുരുതരമായി പൊട്ടലേറ്റിട്ടുണ്ട്.