തിരുവനന്തപുരം: തിരുവനന്തപുരത്ത് തെരുവുനായയെ വീട്ട് വളപ്പിലേക്ക് വലിച്ചെറിഞ്ഞ് വഴിയാത്രക്കാരായ യുവാക്കൾ. നെയ്യാറ്റിൻകര കൊടങ്ങാവിളയിലാണ് സംഭവം. കൊടങ്ങാവിള സ്വദേശി നിഷിൻ രാജിന്റെ വീട്ടിലേക്കാണ് നായയെ വലിച്ചെറിഞ്ഞത്
നിഷിൻ രാജിന്റെ വീടിന് മുന്നിൽ കൂടി നടന്നുവന്ന രണ്ട് യുവാക്കളിലൊരാൾ നായയെ സ്നേഹപൂർവം വിളിച്ച് വരുത്തി വീട്ട് വളപ്പിലേക്ക് വലിച്ചെറിയുകയായിരുന്നു. നായയുടെ കുരകേട്ട് വീടിന് പുറത്തിറങ്ങി നോക്കിയപ്പോഴാണ് നിഷിൻ സംഭവം കണ്ടത്.
ഗേറ്റ് തുറന്ന് നായയെ പുറത്തിറക്കി വിട്ട നിഷിൻ, നായ എങ്ങനെ അകത്ത് കയറിയെന്ന് സിസിടിവിയിലൂടെ പരിശോധിച്ചപ്പോഴാണ് സംഭവം കണ്ടത്. നിഷിൻ നെയ്യാറ്റിൻകര പോലീസിൽ പരാതി നൽകിയിട്ടുണ്ട്.