ഷിക്കാഗോ: മോർട്ടൻ ഗ്രോവ് സെന്റ് മേരീസ് ക്നാനായ ദേവാലയത്തിലെ മതബോധന സ്കൂളിന്റെ ആഭിമുഖ്യത്തിൽ സകല വിശുദ്ധരുടെയും തിരുനാൾ ആചരിച്ചു.
മതബോധന ക്ലാസ്സുകളിൽ വിശുദ്ധരെപ്പറ്റിയുള്ള പഠനങ്ങൾക്കുശേഷം ദേവാലയത്തിലേക്ക് നടത്തിയ പരേഡിൽ വിശുദ്ധരുടെ വേഷങ്ങൾ അണിഞ്ഞ കുട്ടികളും അധ്യാപകരും അണിനിരന്നു. പള്ളിയിലെ ഗായകസംഘം ലുത്തിനിയ പാടി കുട്ടികളെ എതിരേറ്റു. തുടർന്ന് വിശുദ്ധരുടെ ജീവിത മാതൃക പിന്തുടർന്നുകൊള്ളാം എന്ന് പ്രഖ്യാപിച്ചു കുട്ടികൾ പ്രതിജ്ഞ ഏറ്റു ചൊല്ലി . തുടർന്ന് അസിസ്റ്റന്റ് വികാരി ഫാ. ലിജോ കൊച്ചുപറന്പിലിന്റെ കാർമികത്വത്തിൽ ദിവ്യബലി അർപ്പിച്ചു.
കുട്ടികൾക്ക് മിഠായി വിതരണവും നടത്തി . തിരുനാൾ ആചരണത്തിനു വികാരി ഫാ . തോമസ് മുളവനാൽ ആശംസ നേർന്നു. കൈക്കാരൻമാരും അധ്യാപകരും പരിപാടികൾക്ക് നേതൃത്വം നൽകി.