കോഴിക്കോട്: ആര്എസ്എസ് ശാഖ സംരക്ഷിച്ചെന്ന സുധാകരന്റെ പരാമര്ശം മുസ്ലീംലീഗ് ചര്ച്ച ചെയ്യുമെന്ന് പാര്ട്ടി അധ്യക്ഷന് സാദിഖലി ശിഹാബ് തങ്ങള്. ഇക്കാര്യത്തില് പ്രതികരിക്കുന്നതിനു മുമ്പ് കൂടിയാലോചനകള് വേണമെന്നും അദ്ദേഹം പറഞ്ഞു.
ആര്എസ്എസ് ശാഖ സംരക്ഷിക്കാന് ആളെ അയച്ചിട്ടുണ്ടെന്ന കെപിസിസി പ്രസിഡന്റ് കെ.സുധാകരന്റെ പരാമര്ശമാണ് വിവാദമായത്. കെഎസ്യൂ പ്രവര്ത്തകനായിരുന്ന കാലത്തെ സംഭവമാണ് സുധാകരന് അനുസ്മരിച്ചത്.
എടക്കാട്, തോട്ടട മേഖലയില് ആര്എസ്എസ് ശാഖ തകര്ക്കാന് സിപിഎം ശ്രമിച്ചിരുന്നു. ആ സമയത്ത് ശാഖയ്ക്ക് താന് ആളെ അയച്ചു സംരക്ഷണം നല്കി. ആര്എസ്എസിനോട് ആഭിമുഖ്യം ഉള്ളതുകൊണ്ടല്ല അങ്ങനെ ചെയ്തത്. മൗലികാവകാശങ്ങള് തകര്ക്കപ്പെടുമ്പോള് നോക്കിനില്ക്കാന് കഴിയാത്തതിനാലാണ് അത്തരം നീക്കം നടത്തിയതെന്നായിരുന്നു പരാമര്ശം.