ബ്രിട്ടീഷ് ഭരണകാലത്ത് ഇന്ത്യയില്‍ നിന്ന് പല വിലപ്പെട്ട വസ്തുക്കളും ബ്രിട്ടണ്‍ തങ്ങളുടെ രാജ്യത്തേക്ക് കൊണ്ടുപോയിരുന്നു. ഇതില്‍ പ്രധാനപ്പെട്ട ഒന്നാണ് കോഹിനൂര്‍ രത്നം. ബ്രിട്ടീഷ് രാജ്ഞിയുടെ കിരീടത്തിലാണ് ഈ കോഹിനൂര്‍ രത്‌നമുള്ളത്. ഇന്ത്യയില്‍ കാലാകാലങ്ങളില്‍ ഈ വജ്രം സ്വന്തം രാജ്യത്തേക്ക് തിരികെ കൊണ്ടുവരണമെന്ന ആവശ്യം ഉയര്‍ന്നുവന്നിരുന്നു. ഇപ്പോഴിതാ എലിസബത്ത് രാജ്ഞിയുടെ മരണത്തിന് ശേഷം വീണ്ടും ഈ ആവശ്യം ശക്തി പ്രാപിച്ചിരിക്കുകയാണ്.
കോഹിനൂര്‍ ഇന്ത്യയിലേക്ക് തിരികെ കൊണ്ടുവരണമെന്ന ആവശ്യവും അതുമായി ബന്ധപ്പെട്ട മറ്റ് ചോദ്യങ്ങളും സംബന്ധിച്ച് ഇന്ത്യന്‍ സര്‍ക്കാര്‍ നിലപാട് വ്യക്തമാക്കിയിട്ടുണ്ട്.ലോകത്തിലെ ഏറ്റവും വലിയ വജ്രങ്ങളിലൊന്നായ കോഹിനൂര്‍ ബ്രിട്ടണില്‍ നിന്ന് തിരികെ കൊണ്ടുവരാനുള്ള ശ്രമങ്ങള്‍ തുടരുമെന്ന് വിദേശകാര്യ മന്ത്രാലയം സൂചിപ്പിച്ചു.കോഹിനൂര്‍ തിരികെ കൊണ്ടുവരണമെന്ന ആവശ്യത്തെക്കുറിച്ചുള്ള ചോദ്യത്തിന്, വിദേശകാര്യ മന്ത്രാലയം (എംഇഎ) വക്താവ് അരിന്ദം ബാഗ്ചി, ഈ വിഷയത്തില്‍ സര്‍ക്കാരിന്റെ പ്രതികരണം കുറച്ച് വര്‍ഷങ്ങള്‍ക്ക് മുമ്പ് പാര്‍ലമെന്റില്‍ അറിയിച്ചിരുന്നതായി വാര്‍ത്താ ഏജന്‍സിയായ പിടിഐ പറയുന്നു. ഏതാനും വര്‍ഷങ്ങള്‍ക്ക് മുമ്പ് ഇന്ത്യന്‍ സര്‍ക്കാര്‍ പാര്‍ലമെന്റില്‍ ഇതിന് മറുപടി നല്‍കിയിട്ടുണ്ടെന്നും അദ്ദേഹം പറഞ്ഞിരുന്നു. ഞങ്ങള്‍ ഈ വിഷയം യുകെ ഗവണ്‍മെന്റുമായി കാലാകാലങ്ങളില്‍ ചര്‍ച്ച ചെയ്യുന്നുണ്ട്, ഈ വിഷയത്തില്‍ തൃപ്തികരമായ ഒരു പരിഹാരം കണ്ടെത്തുന്നതിനുള്ള വഴികള്‍ ഞങ്ങള്‍ തുടര്‍ന്നും അന്വേഷിക്കും.
എലിസബത്ത് രാജ്ഞിയുടെ മരണശേഷം കോഹിനൂര്‍ ഇന്ത്യയിലേക്ക് കൊണ്ടുവരണമെന്ന ആവശ്യം ഉയര്‍ന്നിരുന്നു.
1849 ല്‍ മഹാരാജ ദുലീപ് സിംഗ് വിക്ടോറിയ രാജ്ഞിക്ക് 108 കാരറ്റ് കോഹിനൂര്‍ രത്നം നല്‍കി.1937 ല്‍ രാജ്ഞി തന്റെ കിരീടത്തില്‍ ഇത് ധരിച്ചു. അടുത്ത വര്‍ഷം മെയ് 6 ന് നടക്കുന്ന ചടങ്ങില്‍ കാമില ക്വീന്‍ കണ്‍സോര്‍ട്ട് ആയി തിരഞ്ഞെടുക്കപ്പെടാനുള്ള സാധ്യതയെക്കുറിച്ച് ബ്രിട്ടീഷ് മാധ്യമങ്ങളില്‍ ഊഹാപോഹങ്ങള്‍ ഉണ്ട്.എലിസബത്ത് രാജ്ഞിയുടെ മരണശേഷം, ഇന്ത്യയിലെ ധാരാളം ട്വിറ്റര്‍ ഉപയോക്താക്കള്‍ കോഹിനൂര്‍ ഇന്ത്യയിലേക്ക് തിരികെ കൊണ്ടുവരണമെന്ന് ആവശ്യപ്പെട്ടിരുന്നു.
ബ്രിട്ടനിലെ രാജ കിരീടത്തില്‍ കോഹിനൂര്‍ പതിച്ചിരിക്കുന്നു
1950 ലാണ് ഇന്ത്യ വിക്ടോറിയ രാജ്ഞിക്ക് കോഹിനൂര്‍ കൈമാറിയതെന്ന് സോഷ്യല്‍ മീഡിയയില്‍ പറയപ്പെടുന്നു. അത് ഇപ്പോള്‍ രാജ കിരീടത്തില്‍ ഉള്‍പ്പെടുത്തിയിട്ടുണ്ട്.ലണ്ടന്‍ ടവറിലാണ് കിരീടം സൂക്ഷിച്ചിരിക്കുന്നത്.
പല രാജ്യങ്ങളില്‍ നിന്നും മോഷ്ടിച്ച അമൂല്യമായ വസ്തുക്കള്‍
ബ്രിട്ടനില്‍ കോഹിനൂര്‍ മാത്രമല്ല, ഭരിച്ച രാജ്യങ്ങളില്‍ നിന്നൊക്കെയുളള നിരവധി അമൂല്യമായ വസ്തുക്കളുമുണ്ട്. ഇന്ത്യയെ കൂടാതെ ഗ്രീസ്, ഈജിപ്ത്, ആഫ്രിക്കന്‍ രാജ്യങ്ങളും തങ്ങളുടെ വിലപിടിപ്പുള്ള വസ്തുക്കള്‍ തിരികെ നല്‍കണമെന്ന് ആവശ്യപ്പെടുന്നുണ്ട്.
ടിപ്പു സുല്‍ത്താന്റെ മോതിരവും ബ്രിട്ടനില്‍ ?
യുദ്ധത്തില്‍ ടിപ്പു സുല്‍ത്താനെ പരാജയപ്പെടുത്തിയ ശേഷം ബ്രിട്ടീഷ് സൈന്യം വിലയേറിയ മോതിരം അദ്ദേഹത്തിന്റെ ശരീരത്തില്‍ നിന്ന് മോഷ്ടിച്ചതായും പറയപ്പെടുന്നുണ്ട്. ബ്രിട്ടനില്‍ നടന്ന ലേലത്തിനിടെ ഈ മോതിരം വിറ്റതായി പല മാധ്യമങ്ങളും അവകാശപ്പെടുന്നു.എന്നാല്‍ ഇത് വാങ്ങിയ ആളെ ഇതുവരെ തിരിച്ചറിഞ്ഞിട്ടില്ല.
