കോയമ്പത്തൂര്‍: തമിഴ്‌നാട്ടിലെ വിവിധയിടങ്ങളിലായി ആര്‍എസ്എസ്‌കാരുടെ വീടിനു നേരെ പെട്രോള്‍ ബോംബെറിഞ്ഞ സംഭവങ്ങളില്‍ അഞ്ചുപേര്‍ അറസ്റ്റില്‍. കോയമ്പത്തൂര്‍ പോലീസാണ് ഇവരെ അറസ്റ്റു ചെയ്തത്.
സുരാജ്, ഇല്ല്യാസ്, മുഹമ്മദ് റഫീഖ്, സാദിഖ് പാഷ, റമീസ് രാജ എന്നിവരാണ് അറസ്റ്റിലായത്. പോപ്പുലര്‍ ഫ്രണ്ട് കേന്ദ്രങ്ങളില്‍ എന്‍ഐഎ റെയ്ഡു നടത്തിയതിനു പിന്നാലെയാണ് ആര്‍എസ്എസ് പ്രവര്‍ത്തകരുടെ വീടിനു നേരെ ആക്രമണമുണ്ടായത്. സിസിടിവി ദൃശ്യങ്ങള്‍ കേന്ദ്രീകരിച്ചു നടത്തിയ അന്വേഷണത്തിലാണ് ഇവര്‍ പി്ടിയിലായതെന്ന് കോയമ്പത്തൂര്‍ കമ്മീഷണര്‍ ബാലകൃഷ്ണന്‍ അറിയിച്ചു.
റെയ്ഡിനു പിന്നാലെ നടന്ന ആക്രമണങ്ങളുമായി ബന്ധപ്പെട്ട് ഈറോഡ്, മധുര, സേലം, ദിണ്ടിഗല്‍ എന്നിവിടങ്ങളിലും പോപ്പുലര്‍ ഫ്രണ്ട് , എസ്ഡിപിഐ പ്രവര്‍ത്തകര്‍ അറസ്റ്റിലായിട്ടുണ്ടെന്നാണ് വിവരം.
