മോസ്കോ: റഷ്യയിലെ ഇഷസ്ക് നഗരത്തിലെ സ്കൂളിലുണ്ടായ വെടിവയ്പിൽ മരിച്ചവരുടെ എണ്ണം 13 ആയി. ഏഴ് വിദ്യാർഥികളും രണ്ട് അധ്യാപകരും മരിച്ചവരിൽ ഉൾപ്പെടുന്നു.
നിരവധി പേർക്ക് പരിക്കുണ്ട്. നാസി ചിഹ്നമുള്ള ടീ ഷർട്ട് ധരിച്ച ആക്രമി ജീവനൊടുക്കിയതായും റഷ്യൻ ആഭ്യന്തരമന്ത്രാലയം അറിയിച്ചു.
തോക്കുമായി സ്കൂളിൽ കടന്നുകയറി ഇയാൾ സെക്യൂരിറ്റി ഗാർഡിന് നേരെ ആദ്യം നിറയൊഴിച്ചു. പിന്നീട് ക്ലാസ് മുറികളിലെത്തിയും നിറയൊഴിക്കുകയായിരുന്നു.