ഡല്‍ഹി: കൊവിഡ് ഡ്യൂട്ടിക്കിടെ മരിച്ച ഡോക്ടര്‍മാരെക്കുറിച്ച്‌ ഒരു വാക്കു പോലും പരാമര്‍ശിക്കാതെയുള്ള കേന്ദ്ര ആരോഗ്യമന്ത്രിയുടെ പാര്‍ലമെന്റ് പ്രസ്താവനയ്ക്കെതിരെ രൂക്ഷവിമര്‍ശനവുമായി ഇന്ത്യന്‍ മെഡിക്കല്‍ അസോസിയേഷന്‍. കൊവിഡ് ഡ്യൂട്ടിക്കിടെ മരിച്ച ഡോക്ടര്‍മാരെക്കുറിച്ചുള്ള വിവരങ്ങള്‍ ലഭ്യമല്ലെന്ന് പറഞ്ഞ കേന്ദ്ര ആരോഗ്യസഹമന്ത്രി അശ്വിന്‍കുമാര്‍ ചൗബേയ്ക്കെതിരെയും വിമര്‍ശനമുയരുന്നുണ്ട്. ആരോഗ്യപ്രവര്‍ത്തകരെ കേന്ദ്രസര്‍ക്കാര്‍ ആവഗണിക്കുകയാണെന്നാണ് ഐഎംഎയുടെ ആരോപണം. 1897 ലെ പകര്‍ച്ചവ്യാധി ദുരന്ത നിവാരണ നിയമം നടപ്പിലാക്കാനുള്ള അധികാരം സര്‍ക്കാരിന് നഷ്ടപ്പെട്ടുവെന്നും ഐഎംഎ ആരോപിക്കുന്നു.
കൈഒഴിഞ്ഞ് കേന്ദ്രം; കൊവിഡ് ഡ്യൂട്ടിക്കിടെ മരിച്ചത് 382 ഡോക്ടര്‍മാര്‍, അവരെ കേന്ദ്രം അവഗണിക്കുന്നുവെന്ന് ഐഎംഎ
