Author: George Kakkanatt

ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹുവിന്റെ ടെൽ അവീവിലെ ഓഫീസിനും സൈനിക കേന്ദ്രങ്ങൾക്കും നേരെ ഇസ്‌ലാമിക് റെവല്യൂഷണറി ഗാർഡ് കോർപ്‌സ് (IRGC) ശക്തമായ മിസൈൽ ആക്രമണം നടത്തി. ആയത്തുള്ള അലി ഖമേനിയുടെ വധത്തിന് തിരിച്ചടിയായാണ് ഇറാന്റെ ഈ നീക്കം. ഖൈബർ ബാലിസ്റ്റിക് മിസൈലുകൾ ഉപയോഗിച്ചാണ് ആക്രമണം നടത്തിയതെന്ന് ഇറാനിലെ ഫാർസ് വാർത്താ ഏജൻസി റിപ്പോർട്ട് ചെയ്തു. ടെൽ അവീവിലെ പ്രധാനമന്ത്രിയുടെ ഓഫീസിന് പുറമെ, ഇസ്രയേൽ വ്യോമസേനാ മേധാവിയുടെ ആസ്ഥാനം, ഹൈഫയിലെ സുരക്ഷാ-സൈനിക കേന്ദ്രങ്ങൾ, കിഴക്കൻ ജറുസലേം എന്നിവിടങ്ങളെയും ലക്ഷ്യം വെച്ചതായി ഐആർജിസി പ്രസ്താവനയിൽ പറഞ്ഞു. തിങ്കളാഴ്ച ജറുസലേമിൽ ആകാശത്ത് വൻ സ്ഫോടനശബ്ദങ്ങൾ കേട്ടതായും ഇറാന്റെ മിസൈലുകളെ പ്രതിരോധ സംവിധാനങ്ങൾ ഉപയോഗിച്ച് തടഞ്ഞതായും ഇസ്രയേൽ സൈന്യം സ്ഥിരീകരിച്ചു. ഇറാന്റെ ആക്രമണങ്ങളെ യൂറോപ്യൻ കമ്മീഷൻ അധ്യക്ഷ ഉർസുല വോൺ ഡെർ ലെയൻ ശക്തമായി അപലപിച്ചു. സൈപ്രസിലെ ബ്രിട്ടീഷ് വ്യോമതാവളത്തിനും സൗദി എണ്ണ ശുദ്ധീകരണ ശാലയ്ക്കും നേരെയുണ്ടായ ആക്രമണങ്ങൾ മേഖലയുടെ സുരക്ഷയെ അപകടത്തിലാക്കുന്നതാണെന്ന് അവർ പറഞ്ഞു. സംഘർഷം വ്യാപിക്കാതിരിക്കാൻ എല്ലാ രാജ്യങ്ങളും ഒത്തൊരുമിച്ച് പ്രവർത്തിക്കണമെന്നും അവർ അഭ്യർത്ഥിച്ചു. അമേരിക്കയുടെയും ഇസ്രയേലിന്റെയും സംയുക്ത ആക്രമണത്തിൽ ഇതുവരെ ഇറാനിൽ 555 പേർ കൊല്ലപ്പെട്ടതായി ഇറാനിയൻ റെഡ് ക്രസന്റ് സൊസൈറ്റി അറിയിച്ചു. രാജ്യത്തെ 130-ഓളം നഗരങ്ങളെ യുദ്ധം...

യൂറോപ്പിലേക്ക് മെച്ചപ്പെട്ട ജീവിതം തേടി കടൽ കടക്കാൻ ശ്രമിച്ച അഞ്ഞൂറിലധികം പേരെ ഈ വർഷം മാത്രം മെഡിറ്ററേനിയൻ കടലിൽ കാണാതായി. സുരക്ഷിതമല്ലാത്ത ബോട്ടുകളിൽ ലിബിയയിൽ നിന്നും ടുണീഷ്യയിൽ നിന്നും പുറപ്പെട്ടവരാണ് അപകടത്തിൽപ്പെട്ടത്. ദിവസങ്ങൾക്ക് മുൻപ് ലിബിയൻ തീരത്ത് ബോട്ട് തകർന്ന് രണ്ട് കുഞ്ഞുങ്ങളടക്കം അൻപതിലധികം പേർ മരിച്ച സംഭവം ലോകത്തെ നടുക്കിയിരുന്നു. സ്വന്തം നാട്ടിലെ പട്ടിണിയും യുദ്ധവും ഭയന്നാണ് പലരും ഇത്തരം അപകടകരമായ യാത്രകൾക്ക് തയ്യാറാകുന്നത്. ലിബിയ പോലുള്ള രാജ്യങ്ങളിൽ എത്തുന്ന ഇവർ പലപ്പോഴും സായുധ സംഘങ്ങളുടെ ക്രൂരമായ പീഡനങ്ങൾക്കും തടവിനും ഇരയാകുന്നുണ്ട്. മർദ്ദനവും പട്ടിണിയും സഹിച്ച് നരകയാതന അനുഭവിച്ചവരാണ് ലക്ഷക്കണക്കിന് രൂപ നൽകി കടൽ കടക്കാൻ ശ്രമിക്കുന്നത്. അഭയാർത്ഥികളുടെ വരവ് തടയാൻ യൂറോപ്യൻ രാജ്യങ്ങൾ നിയമങ്ങൾ കടുപ്പിക്കുന്നുണ്ടെങ്കിലും ഇതൊന്നും ഇവരെ പിന്തിരിപ്പിക്കുന്നില്ല. മരണം മുന്നിൽ കണ്ടുകൊണ്ടാണെങ്കിലും സമാധാനത്തോടെ ജീവിക്കാൻ കഴിയുന്ന ഒരിടത്തെത്തുകയാണ് ഇവരുടെ ഏക ലക്ഷ്യം. സ്വന്തം കുഞ്ഞുങ്ങളുടെ ഭാവിക്ക് വേണ്ടിയാണ് പല മാതാപിതാക്കളും ഈ കടുത്ത...