Author: George Kakkanatt

പശ്ചിമേഷ്യയിൽ യുദ്ധം കൊടുമ്പിരിക്കൊള്ളുന്നതിനിടെ അമേരിക്കയുടെ അത്യാധുനിക റഡാർ സംവിധാനം തകർത്തതായി ഇറാന്റെ അവകാശവാദം. ഖത്തറിലെ അൽ ഉദൈദ് വ്യോമതാവളത്തിന് സമീപം സ്ഥാപിച്ചിരുന്ന ഏകദേശം 1.1 ബില്യൺ ഡോളർ (ഏകദേശം 9000 കോടി രൂപ) വിലമതിക്കുന്ന എഎൻ/എഫ്പിഎസ്-132 (AN/FPS-132) എന്ന ഏർലി വാണിംഗ് റഡാറാണ് തകർത്തത്. ഇറാന്റെ ഇസ്‌ലാമിക് റെവല്യൂഷണറി ഗാർഡ് കോർപ്സ് (IRGC) നടത്തിയ മിസൈൽ ആക്രമണത്തിലാണ് ഈ നാശനഷ്ടമുണ്ടായത്. ലോകത്തിലെ തന്നെ ഏറ്റവും കരുത്തുറ്റ റഡാർ സംവിധാനങ്ങളിൽ ഒന്നായ ഇത് അയ്യായിരം കിലോമീറ്റർ ദൂരെയുള്ള മിസൈൽ വിക്ഷേപണങ്ങൾ വരെ മുൻകൂട്ടി കണ്ടെത്താൻ ശേഷിയുള്ളതാണ്. ഇറാന്റെ ബാലിസ്റ്റിക് മിസൈലുകളെ നിരീക്ഷിക്കുന്നതിൽ ഈ റഡാർ പ്രധാന പങ്കുവഹിച്ചിരുന്നു. ഇതിന്റെ തകർച്ച ഗൾഫ് മേഖലയിലുള്ള അമേരിക്കയുടെയും സഖ്യകക്ഷികളുടെയും വ്യോമ പ്രതിരോധ കവചത്തിന് വലിയ വിള്ളലുണ്ടാക്കുമെന്ന് പ്രതിരോധ വിദഗ്ധർ വിലയിരുത്തുന്നു. ഇറാൻ തൊടുത്തുവിട്ട കൃത്യതയാർന്ന മിസൈലുകൾ റഡാർ സംവിധാനത്തെ പൂർണ്ണമായും തകർത്തുവെന്നാണ് ഐആർജിസി അറിയിക്കുന്നത്. ഖത്തർ പ്രതിരോധ മന്ത്രാലയവും ഈ ആക്രമണം സ്ഥിരീകരിച്ചിട്ടുണ്ട്. ഇറാന്റെ മിസൈൽ ശേഷി എത്രത്തോളം വർധിച്ചുവെന്ന് തെളിയിക്കുന്നതാണ് ഈ ആക്രമണമെന്ന് നിരീക്ഷകർ ചൂണ്ടിക്കാട്ടുന്നു. അമേരിക്കൻ സൈന്യത്തിന്റെ പട്രിയറ്റ്, താഡ് (THAAD) മിസൈൽ പ്രതിരോധ സംവിധാനങ്ങളെ ഇത് പ്രതികൂലമായി ബാധിച്ചേക്കാം. ബഹ്‌റൈനിലെ അമേരിക്കൻ നാവികസേനാ ആസ്ഥാനത്തിന് നേരെയുണ്ടായ ആക്രമണത്തിലും സമാനമായ റഡാർ തകർന്നതായി റിപ്പോർട്ടുകളുണ്ട്. അവിടെ ഏകദേശം 300 മില്യൺ ഡോളർ വിലയുള്ള റഡാർ സംവിധാനമാണ് ഇറാന്റെ ഷാഹെദ് ഡ്രോണുകൾ തകർത്തത്. അമേരിക്കൻ സാങ്കേതിക വിദ്യകൾക്ക് മേൽ ഇറാൻ നേടിയ ഈ വിജയം അന്താരാഷ്ട്ര തലത്തിൽ വലിയ ചർച്ചയായിട്ടുണ്ട്. പ്രസിഡന്റ് ഡൊണാൾഡ് ട്രംപിന്റെ പുതിയ ഭരണത്തിന് കീഴിൽ അമേരിക്ക ഇറാനെതിരെ നടത്തുന്ന നീക്കങ്ങൾക്ക് പ്രതികാരമായാണ് ഈ ആക്രമണങ്ങൾ. ഇറാന്റെ പക്കലുള്ള അത്യാധുനിക ആയുധങ്ങൾ തടയുന്നതിൽ അമേരിക്കയുടെ പ്രതിരോധ കവചങ്ങൾ പലയിടത്തും പരാജയപ്പെടുന്നതായാണ് സൂചന. ഗൾഫ് രാജ്യങ്ങളിലെ സുരക്ഷാ ക്രമീകരണങ്ങൾ പുനഃപരിശോധിക്കാൻ ഈ സംഭവം പ്രേരിപ്പിക്കും. തകർന്ന റഡാർ സംവിധാനം പുനഃസ്ഥാപിക്കാൻ മാസങ്ങളോ വർഷങ്ങളോ എടുത്തേക്കാം. ഇത് പശ്ചിമേഷ്യയിലെ അമേരിക്കൻ സൈനിക നീക്കങ്ങളെ മന്ദഗതിയിലാക്കാൻ സാധ്യതയുണ്ട്. നിലവിൽ ഇറാന്റെ മിസൈൽ ആക്രമണങ്ങൾ തുടരുന്നതിനാൽ മേഖലയിൽ അതീവ ജാഗ്രത പ്രഖ്യാപിച്ചിരിക്കുകയാണ്. അമേരിക്കൻ സൈന്യത്തിന് ഇതുവരെ വലിയ തോതിലുള്ള ആളപായം റിപ്പോർട്ട് ചെയ്തിട്ടില്ലെങ്കിലും ശതകോടിക്കണക്കിന് ഡോളറിന്റെ ആസ്തികളാണ് നശിച്ചിരിക്കുന്നത്. യുദ്ധം ദീർഘകാലം നീണ്ടുനിന്നാൽ അത് അമേരിക്കയുടെ സാമ്പത്തിക സ്ഥിതിയെ ബാധിക്കുമെന്ന് ട്രംപിന്റെ വിമർശകർ ചൂണ്ടിക്കാട്ടുന്നു. അതേസമയം, ഏത് വെല്ലുവിളിയെയും നേരിടാൻ സൈന്യം സജ്ജമാണെന്ന് വൈറ്റ് ഹൗസ്...

പശ്ചിമേഷ്യൻ യുദ്ധം കൂടുതൽ രാജ്യങ്ങളെ സംഘർഷത്തിലേക്ക് വലിച്ചിഴക്കുന്നു. തങ്ങളുടെ സഖ്യകക്ഷികൾ ആവശ്യപ്പെട്ടാൽ അവരെ സംരക്ഷിക്കാൻ സൈനിക ഇടപെടലിന് തയ്യാറാണെന്ന് ഫ്രാൻസ് പ്രഖ്യാപിച്ചു. ഇതിനിടെ, വ്യോമഗതാഗതത്തെ യുദ്ധം സാരമായി ബാധിച്ചതോടെ പാകിസ്താൻ തങ്ങളുടെ വ്യോമപാത ഭാഗികമായി അടച്ചിട്ടു. എണ്ണ വിതരണത്തിലെ കുറവ് ചൈനീസ് വ്യവസായങ്ങളെയും ബാധിച്ചുതുടങ്ങി.  ഫ്രഞ്ച് വിദേശകാര്യ മന്ത്രി ജീൻ-നോയൽ ബാരോട്ട് (Jean-Noel Barrot) ആണ് രാജ്യത്തിന്റെ നിലപാട് വ്യക്തമാക്കിയത്. പ്രതിരോധ കരാറുകളും സൈനിക താവളങ്ങളുമുള്ള തങ്ങളുടെ പങ്കാളികൾ സംഘർഷത്തിലേക്ക് വലിച്ചിഴക്കപ്പെടുകയാണെന്ന് അദ്ദേഹം പറഞ്ഞു. മേഖലയിൽ ഏകദേശം നാല് ലക്ഷം ഫ്രഞ്ച് പൗരന്മാരുണ്ട്. അപകടസാധ്യതയുള്ളവരെ തിരിച്ചെത്തിക്കാൻ വാണിജ്യ വിമാനങ്ങൾക്ക് പുറമെ സൈനിക വിമാനങ്ങളും ഉപയോഗിക്കാൻ ഫ്രാൻസ് തയ്യാറാണെന്ന് ബി.എഫ്.എം ടിവിക്ക് (BFM TV) നൽകിയ അഭിമുഖത്തിൽ അദ്ദേഹം...

പശ്ചിമേഷ്യയിലെ യുദ്ധം ലോകമഹായുദ്ധത്തിലേക്ക് നീങ്ങുന്നുവെന്ന സൂചന നൽകി ഇറാന്റെ മുന്നറിയിപ്പ്. ‘ഈ യുദ്ധം തുടങ്ങിയത് ഞങ്ങളല്ല, അത് നിർത്തേണ്ടത് അത്യാവശ്യമാണ്’ എന്ന് ഇറാൻ വിദേശകാര്യ വക്താവ് ഇസ്മാഈൽ ബഗായി (Esmaeil Baghaei) പറഞ്ഞു. അമേരിക്കയും ഇസ്രായേലും ചേർന്ന് കൊളുത്തിയ തീ യൂറോപ്പിനെയും തുടർന്ന് ലോകത്തെ മുഴുവനും വിഴുങ്ങുമെന്നും അദ്ദേഹം മുന്നറിയിപ്പ് നൽകി.  തങ്ങൾ തിരഞ്ഞെടുത്തത് യുദ്ധമല്ല, നയതന്ത്രമാണെന്ന് ബഗായി വ്യക്തമാക്കി. അന്താരാഷ്ട്ര സമൂഹം അവരുടെ ഉത്തരവാദിത്തം നിറവേറ്റാൻ വൈകരുത്. യൂറോപ്യൻ രാജ്യങ്ങളുടെ സമീപനം പരസ്പര വിരുദ്ധമാണ്. നിയമലംഘനങ്ങളും ധാർമ്മിക ലംഘനങ്ങളും ഭൂമിയിലെ ഓരോ മനുഷ്യനെയും ബാധിക്കും. യൂറോപ്പ് അവരുടെ നിസ്സംഗത വെടിയണമെന്നും, യു.എൻ സുരക്ഷാ സമിതി ഇസ്രായേലിന്റെ ആക്രമണങ്ങളെ അപലപിക്കണമെന്നും അദ്ദേഹം ആവശ്യപ്പെട്ടു. ഇറാനിലെ ആക്രമണങ്ങൾക്ക് സമാന്തരമായി ലെബനനിലും ഇസ്രായേല്‍ പിടിമുറുക്കുകയാണ്. തെക്കൻ ലെബനനിലെ 59 ഗ്രാമങ്ങളിൽ നിന്ന് ജനങ്ങൾ അടിയന്തരമായി വീടുകൾ വിട്ടുപോകാ‌ൻ ഇസ്രായേല്‍ സൈന്യം നിർദ്ദേശം നൽകി. ഹിസ്ബുല്ലയുടെ പ്രവർത്തനങ്ങൾക്കെതിരെ ഉടൻ നടപടിയുണ്ടാകുമെന്നാണ് മുന്നറിയിപ്പ്. ഇതോടെ ഡസൻ കണക്കിന് ഗ്രാമങ്ങളിലെ ജനങ്ങൾ പലായനം ചെയ്യാൻ...