Author: George Kakkanatt

കെ സി വേണുഗോപാലിനെ മുഖ്യമന്ത്രിയാക്കണം: ഖർഗെയ്ക്ക് മുന്നിൽ കെ സുധാകരൻ

Posted by George Kakkanatt | Apr 18, 2026 | Kerala, Latest

കേരളത്തിലെ കോൺഗ്രസിൽ മുഖ്യമന്ത്രി പദവിയെച്ചൊല്ലിയുള്ള ചർച്ചകൾ പുതിയ തലത്തിലേക്ക്. കെ സി വേണുഗോപാലിനെ മുഖ്യമന്ത്രിയാക്കണമെന്ന് കെ സുധാകരൻ എംപി കോൺഗ്രസ് അധ്യക്ഷൻ മല്ലികാർജ്ജുൻ ഖർഗെയോട് നേരിട്ട് ആവശ്യപ്പെട്ടു. ഡൽഹിയിൽ ഖർഗെയെ നേരിട്ട് കണ്ടാണ് സുധാകരൻ തന്റെ നിലപാട് വ്യക്തമാക്കിയത്. ദേശീയ തലത്തിൽ പ്രതിപക്ഷ മുന്നേറ്റത്തിന് തറയൊരുക്കിയത് കെ സി വേണുഗോപാലാണെന്നും ആ പരിഗണന അദ്ദേഹത്തിന് നൽകണമെന്നുമാണ് സുധാകരന്റെ വാദം. കോൺഗ്രസിനുള്ളിൽ മുഖ്യമന്ത്രി പദവിയെക്കുറിച്ച് ചർച്ചകൾ നടത്തുന്നതിൽ യാതൊരു തെറ്റുമില്ലെന്ന് കെ സുധാകരൻ മാധ്യമങ്ങളോട് പറഞ്ഞു. ‘മുഖ്യമന്ത്രിയെ തീരുമാനിക്കേണ്ടത് ഹൈക്കമാൻഡാണ്. എങ്കിലും ജനാധിപത്യ സംവിധാനത്തിൽ എല്ലാവർക്കും അഭിപ്രായങ്ങൾ പറയാം. അതിൽ ഓരോരുത്തർക്കും അവരവരുടെ നിലപാടുകളുണ്ടാകും. മുഖ്യമന്ത്രി പദവിയിൽ തീരുമാനമാകുന്നതു വരെ ചർച്ചകൾ നടക്കും. കോൺഗ്രസിന്റെ രീതി ഇതുതന്നെയാണ്, അതിൽ പുതുമയൊന്നുമില്ല’ -സുധാകരൻ വ്യക്തമാക്കി. വോട്ടെണ്ണലിന് മുൻപുള്ള ഈ ചർച്ചകൾ പാർട്ടിക്കോ തിരഞ്ഞെടുപ്പ് ഫലത്തിനോ ദോഷം ചെയ്യില്ലെന്നും അദ്ദേഹം കൂട്ടിച്ചേർത്തു. മുഖ്യമന്ത്രി പദവിയെച്ചൊല്ലിയുള്ള പരസ്യ ചർച്ചകൾ ഗുണകരമല്ലെന്ന് എം കെ രാഘവൻ എംപി നേരത്തെ വിമർശനമുന്നയിച്ചിരുന്നു. എന്നാൽ ഇത് അദ്ദേഹത്തിന്റെ വ്യക്തിപരമായ അഭിപ്രായം മാത്രമാണെന്ന് സുധാകരൻ പ്രതികരിച്ചു. എംപിമാർ നിയമസഭയിലേക്ക് മത്സരിക്കാൻ അവസരം നൽകരുതെന്ന് ആവശ്യപ്പെട്ട് ഹൈക്കമാൻഡിന് മേൽ ആരും സമ്മർദ്ദം ചെലുത്തിയിട്ടില്ലെന്നും, പല എംപിമാരും മത്സരിക്കാൻ താല്പര്യം പ്രകടിപ്പിച്ചിട്ടുണ്ടെന്നും അദ്ദേഹം വെളിപ്പെടുത്തി. എം കെ രാഘവൻ ഉന്നയിച്ച കാര്യങ്ങളിൽ അദ്ദേഹത്തോട് തന്നെ ചോദിക്കണമെന്നും സുധാകരൻ...

‘ലെബനനിലെ ആക്രമണങ്ങള്‍ തുടരും, ഹിസ്ബുള്ളയെ ഇല്ലാതാക്കും’: നിലപാട് വ്യക്തമാക്കി ഇസ്രയേല്‍

Posted by George Kakkanatt | Apr 18, 2026 | Editors Corner, Latest, World

ലെബനനിലെ ആക്രമണങ്ങള്‍ തുടരുമെന്നും ഹിസ്ബുള്ളയെ ഇല്ലാതാക്കുമെന്നും വ്യക്തമാക്കി ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹു. ആക്രമണത്തില്‍ നിന്ന് ഇസ്രയേലിനെ യുഎസ് തടഞ്ഞിട്ടുണ്ടെന്ന് യു.എസ് പ്രസിഡന്റ് ഡൊണാള്‍ഡ് ട്രംപ് പ്രഖ്യാപിച്ചതിന് പിന്നാലെയാണ് നെതന്യാഹുവിന്റെ വെളിപ്പെടുത്തല്‍. ഹിസ്ബുള്ളയുടെ റോക്കറ്റ്, ഡ്രോണ്‍ ശേഷി നശിപ്പിക്കുമെന്നും പ്രധാന ലക്ഷ്യം ഹിസ്ബുള്ളയെ തകര്‍ക്കുക എന്നതാണെന്നും നെതന്യാഹു വ്യക്തമാക്കി. പശ്ചിമേഷ്യയിലെ ഏത് സാഹചര്യത്തെയും നേരിടാന്‍ തങ്ങള്‍ ഒരുക്കമാണ്. മാത്രമല്ല ഇസ്രയേലിനും അമേരിക്കയ്ക്കും വ്യക്തമായ ലക്ഷ്യങ്ങളുണ്ട്. ഇറാന്‍ ആണവശക്തി ആകരുത്, ആണവ സമ്പുഷ്ടീകരണം ഉപേക്ഷിക്കണം, ഹോര്‍മുസ് തുറക്കണം തുടങ്ങിയവ തങ്ങളുടെ ലക്ഷ്യങ്ങളാണെന്നും അത് തന്നെയാണ് യുഎസിന്റെ ലക്ഷ്യങ്ങളെന്നും നെതന്യാഹു ആവര്‍ത്തിച്ച് വ്യക്തമാക്കി. ഹിസ്ബുള്ളയെ സൈനികമായി നിരായുധീകരിക്കുകയാണ് ഇസ്രായേലിന്റെ ലക്ഷ്യമെന്ന് പ്രതിരോധ മന്ത്രി ഇസ്രയേല്‍ കാറ്റ്‌സ് നേരത്തെ വ്യക്തമാക്കിയിരുന്നു. ലക്ഷ്യത്തിലേക്ക് എത്താന്‍ യുഎസിന്റെ നേരിട്ടുള്ള ഇടപെടല്‍ പിന്തുണക്കുന്നുണ്ട്. തെക്കന്‍ ലെബനനിലേക്ക് പ്രദേശവാസികള്‍ മടങ്ങി എത്തുന്നു. ലെബനനില്‍ സൈന്യം പിടിച്ചെടുത്ത മേഖലകള്‍ കൈവശം വയ്ക്കുന്നത് തുടരുമെന്നും ഇസ്രയേല്‍...

എഐക്ക്‌ മുൻഗണന: മെറ്റയിൽ വൻ പിരിച്ചുവിടൽ; 8000 പേർക്ക് ജോലി നഷ്ടപ്പെടും

Posted by George Kakkanatt | Apr 18, 2026 | Editors Corner, Latest, Tech

സാങ്കേതിക ലോകത്തെ ഞെട്ടിച്ചുകൊണ്ട് മെറ്റാ പ്ലാറ്റ്‌ഫോമുകളിൽ വീണ്ടും വൻതോതിലുള്ള പിരിച്ചുവിടൽ നടപടികൾ ആരംഭിക്കുന്നു. ഫേസ്ബുക്ക്, ഇൻസ്റ്റാഗ്രാം, വാട്ട്‌സ്ആപ്പ് എന്നീ ജനപ്രിയ പ്ലാറ്റ്‌ഫോമുകളുടെ മാതൃകമ്പനിയായ മെറ്റാ, തങ്ങളുടെ ആഗോള തൊഴിൽ സേനയുടെ പത്ത് ശതമാനത്തോളം വരുന്ന ജീവനക്കാരെ ആദ്യഘട്ടത്തിൽ പുറത്താക്കാൻ ഒരുങ്ങുകയാണ്. മെയ് 20 മുതൽ ആരംഭിക്കുന്ന ഈ നടപടി 2026-ൽ കമ്പനി നടപ്പിലാക്കാൻ ഉദ്ദേശിക്കുന്ന വിപുലമായ പുനസംഘടനയുടെ ഭാഗമാണെന്ന് റോയിട്ടേഴ്സ് റിപ്പോർട്ട് ചെയ്യുന്നു. ആർട്ടിഫിഷ്യൽ ഇന്റലിജൻസ് അഥവാ കൃത്രിമ ബുദ്ധിക്ക് മുൻഗണന നൽകിക്കൊണ്ട് കമ്പനിയുടെ ഘടനയിൽ വരുത്തുന്ന വൻ മാറ്റങ്ങളാണ് ആയിരക്കണക്കിന് ഉദ്യോഗസ്ഥരുടെ തൊഴിൽ നഷ്ടത്തിന് കാരണമാകുന്നത്. ആഗോള ടെക് ഭീമനായ മെറ്റാ പ്ലാറ്റ്‌ഫോംസ് തങ്ങളുടെ ചരിത്രത്തിലെ ഏറ്റവും വലിയ വെല്ലുവിളികളിലൂടെയാണ് കടന്നുപോകുന്നത് എന്ന് വ്യക്തമാക്കുന്നതാണ് പുതിയ റിപ്പോർട്ടുകൾ. മെയ് 20 മുതൽ ആരംഭിക്കുന്ന ഒന്നാം ഘട്ട പിരിച്ചുവിടലിൽ ഏകദേശം എണ്ണായിരം ജീവനക്കാർക്കാണ് തൊഴിൽ നഷ്ടമാകുക. ഇത് കമ്പനിയുടെ ആകെ ജീവനക്കാരുടെ പത്ത് ശതമാനത്തോളം വരും. കഴിഞ്ഞ കുറച്ച് വർഷങ്ങളായി ടെക് മേഖല നേരിടുന്ന അസ്ഥിരതയുടെ തുടർച്ചയായാണ് ഈ തീരുമാനമെങ്കിലും ഇത്രയും വലിയൊരു സംഖ്യ ഒരേസമയം പുറത്തുപോകുന്നത് മേഖലയിൽ വലിയ ആശങ്കയ്ക്ക് കാരണമായിട്ടുണ്ട്. മെറ്റയുടെ വിവിധ വിഭാഗങ്ങളിൽ പ്രവർത്തിക്കുന്ന പ്രൊഫഷണലുകളെ ഈ തീരുമാനം നേരിട്ട് ബാധിക്കുമെന്നാണ് പുറത്തുവരുന്ന വിവരങ്ങൾ സൂചിപ്പിക്കുന്നത്. കമ്പനിയുടെ ഈ കടുത്ത തീരുമാനത്തിന് പിന്നിൽ എ.ഐ സാങ്കേതികവിദ്യയിലേക്ക് ശ്രദ്ധ കേന്ദ്രീകരിക്കാനുള്ള നീക്കമാണുള്ളത്. മെറ്റയുടെ സി.ഇ.ഒ മാർക്ക് സക്കർബർഗ് എ.ഐ മേഖലയിൽ നൂറുകണക്കിന് കോടി ഡോളറിന്റെ നിക്ഷേപമാണ് പ്രഖ്യാപിച്ചിരിക്കുന്നത്. മനുഷ്യ വിഭവശേഷിയേക്കാൾ കൂടുതൽ യന്ത്രവൽക്കരണത്തിനും എ.ഐ അധിഷ്ഠിത കാര്യക്ഷമതയ്ക്കും മുൻഗണന നൽകുന്ന രീതിയിലേക്ക് മെറ്റയുടെ പ്രവർത്തനങ്ങൾ മാറുകയാണ്. കമ്പനിയുടെ ആഭ്യന്തര പ്രവർത്തനങ്ങളും ഉൽപ്പന്നങ്ങളും പൂർണമായും എ.ഐ കേന്ദ്രീകൃതമാക്കുന്നതിലൂടെ ദീർഘകാലാടിസ്ഥാനത്തിൽ നേട്ടമുണ്ടാക്കാമെന്നാണ് മാനേജ്‌മെന്റ് കണക്കുകൂട്ടുന്നത്. ഇതിന്റെ ഭാഗമായി പരമ്പരാഗതമായ പല തസ്തികകളും അപ്രസക്തമാകുന്നു എന്ന തിരിച്ചറിവാണ് പിരിച്ചുവിടലിലേക്ക് നയിച്ചത്. മെയ് മാസത്തിൽ നടപ്പിലാക്കുന്ന പിരിച്ചുവിടൽ കേവലം ഒരു തുടക്കം മാത്രമാണെന്ന സൂചനകളാണ് റോയിട്ടേഴ്സ് പുറത്തുവിടുന്നത്. 2026-ന്റെ രണ്ടാം പകുതിയിൽ കൂടുതൽ ജീവനക്കാരെ പിരിച്ചുവിടാൻ കമ്പനി പദ്ധതിയിടുന്നുണ്ട്. ആർട്ടിഫിഷ്യൽ ഇന്റലിജൻസ് എത്ര വേഗത്തിൽ കമ്പനിയുടെ പ്രവർത്തനങ്ങളിൽ സ്വാധീനം ചെലുത്തുന്നു എന്നതിനെ അടിസ്ഥാനമാക്കിയായിരിക്കും അടുത്ത ഘട്ടത്തിലെ വെട്ടിക്കുറയ്ക്കലുകൾ തീരുമാനിക്കുക. കൃത്യമായ എണ്ണമോ തീയതിയോ ഇപ്പോൾ വ്യക്തമല്ലെങ്കിലും വരും മാസങ്ങളിൽ മെറ്റയിലെ ജീവനക്കാർ കടുത്ത സമ്മർദത്തിലായിരിക്കുമെന്ന് ഉറപ്പാണ്. സാങ്കേതിക വിദ്യയിലെ പുരോഗതി മനുഷ്യരുടെ തൊഴിലവസരങ്ങളെ എങ്ങനെ ബാധിക്കുന്നു എന്നതിന്റെ ഏറ്റവും പുതിയ ഉദാഹരണമായി മെറ്റയിലെ ഈ സംഭവവികാസങ്ങൾ മാറുകയാണ്. മെറ്റയിൽ മാത്രമല്ല, ആഗോളതലത്തിൽ തന്നെ മിക്ക ടെക് കമ്പനികളും സമാനമായ പാതയിലാണ് സഞ്ചരിക്കുന്നത്. ഓട്ടോമേഷനും ആർട്ടിഫിഷ്യൽ ഇന്റലിജൻസും ബിസിനസ് രംഗത്ത് വിപ്ലവാത്മകമായ മാറ്റങ്ങൾ കൊണ്ടുവരുമ്പോൾ പല തസ്തികകളും ഇല്ലാതാകുകയാണ്. കാര്യക്ഷമത വർദ്ധിപ്പിക്കാനും ചിലവ് കുറയ്ക്കാനും വേണ്ടി കമ്പനികൾ വലിയ തോതിൽ എ.ഐയെ ആശ്രയിക്കുന്നു. നൂതന സാങ്കേതിക വിദ്യകൾക്കായി പണം ചെലവഴിക്കാൻ തയ്യാറാകുന്ന കമ്പനികൾ അതേസമയം തന്നെ തങ്ങളുടെ ശമ്പള ചെലവുകൾ കുറയ്ക്കാൻ കടുത്ത നടപടികൾ സ്വീകരിക്കുന്നു. മെറ്റയുടെ ഈ നീക്കം സമാനമായ മറ്റ് വൻകിട കമ്പനികളിലും പ്രതിഫലിക്കാനിടയുണ്ടെന്ന് സാമ്പത്തിക വിദഗ്ധർ...

കാനഡ റവന്യൂ ഏജൻസിയെ കബളിപ്പിച്ചു; ബിസിനസുകാരിക്ക് ലഭിച്ചത് 5 മില്യൺ ഡോളറിന്റെ റീഫണ്ട്

Posted by George Kakkanatt | Apr 18, 2026 | Latest, Trending News, World

കാനഡ റവന്യൂ ഏജന്‍സിയുടെ (CRA) സുരക്ഷാ സംവിധാനങ്ങളെയും പരിശോധനകളെയും പരിഹസിച്ചുകൊണ്ട് വീണ്ടും വന്‍ സാമ്പത്തിക വെട്ടിപ്പ്. ബി.സി.യിലെ ഒരു ബിസിനസുകാരി സമര്‍പ്പിച്ച ‘അവിശ്വസനീയവും യുക്തിരഹിതവുമായ’ നികുതി റിട്ടേണ്‍ പരിശോധിക്കുന്നതില്‍ പരാജയപ്പെട്ട ഏജന്‍സി, ഇവര്‍ക്ക് 5 മില്യണ്‍ ഡോളര്‍ (ഏകദേശം 50 ലക്ഷം ഡോളര്‍) റീഫണ്ടായി നല്‍കി. ബി.സി.യിലെ സില്‍വര്‍ട്ടണില്‍ പ്രതിവര്‍ഷം വെറും 54,000 ഡോളര്‍ വരുമാനമുള്ള ഹെമ്പ് സംസ്‌കരണ ബിസിനസ് നടത്തുന്ന തെരേസ വാലസ് എന്ന സ്ത്രീയാണ് സി.ആര്‍.എയെ കബളിപ്പിച്ചത്. 2023-ല്‍ തനിക്ക് 9,999,999 ഡോളര്‍ വിദേശ വരുമാനം ലഭിച്ചുവെന്നും ആ തുക മുഴുവനായി (100 ശതമാനം നികുതി!) കനേഡിയന്‍ നികുതിയായി അടച്ചുവെന്നുമാണ് ഇവര്‍ റിട്ടേണില്‍ അവകാശപ്പെട്ടത്. ഈ വ്യാജ വിവരത്തിന്റെ അടിസ്ഥാനത്തില്‍, താന്‍ അധികമായി അടച്ച നികുതി തിരികെ വേണമെന്ന് ആവശ്യപ്പെട്ട ഇവര്‍ക്ക് കഴിഞ്ഞ മേയ് മാസത്തില്‍ ഏജന്‍സി പണം അനുവദിക്കുകയായിരുന്നു. സി.ആര്‍.എയുടെ പരിശോധനാ വിഭാഗം മാന്വല്‍ റിവ്യൂവിന് നിര്‍ദ്ദേശിച്ചിരുന്ന ഫയലായിരുന്നിട്ടും, രണ്ട് ഉദ്യോഗസ്ഥര്‍ ഇത് പരിശോധന കൂടാതെ അംഗീകരിച്ചു എന്നത് ഏജന്‍സിക്കുള്ളിലെ ഗുരുതരമായ വീഴ്ചയായി കണക്കാക്കപ്പെടുന്നു. വിദേശ വരുമാനത്തിന്റെ സ്രോതസ്സ് ചോദിച്ചയിടത്ത് ‘യുണൈറ്റഡ് നേഷന്‍സ്’ എന്ന് വെറും രണ്ട് വാക്ക് മാത്രമാണ് വാലസ് രേഖപ്പെടുത്തിയിരുന്നത്. പണം നല്‍കി രണ്ട് മാസത്തിന് ശേഷം മാത്രമാണ് ഏജന്‍സിക്ക് ഈ അബദ്ധം ബോധ്യപ്പെട്ടത്. ഇതേത്തുടര്‍ന്ന് വാലസിന്റെ ആസ്തികള്‍ മരവിപ്പിക്കാന്‍ സി.ആര്‍.എ കോടതി ഉത്തരവിട്ടു. പലിശയും പിഴയും ഉള്‍പ്പെടെ 7.9 മില്യണ്‍ ഡോളര്‍ ഇപ്പോള്‍ ഇവര്‍ ഏജന്‍സിക്ക് തിരികെ നല്‍കാനുണ്ട്. സമാനമായ രീതിയില്‍ മുന്‍പും മില്യണ്‍ കണക്കിന് ഡോളര്‍ വ്യാജ റിട്ടേണുകള്‍ക്കായി സി.ആര്‍.എ നല്‍കിയത് വലിയ...

രാഹുൽ ഗാന്ധിക്കെതിരെ കേസെടുക്കാമെന്ന് അലഹബാദ് ഹൈക്കോടതി

Posted by George Kakkanatt | Apr 18, 2026 | India, Latest

ലോക്‌സഭ പ്രതിപക്ഷ നേതാവും കോൺഗ്രസ് നേതാവുമായ രാഹുൽ ഗാന്ധിക്ക് ഇരട്ട പൗരത്വം ഉണ്ടെന്ന ആരോപണം അന്വേഷിക്കണമെന്ന് അലഹബാദ് ഹൈക്കോടതിയുടെ ലഖ്‌നൗ ബെഞ്ചിന്റെ ഉത്തരവ്. അന്വേഷണം സ്വയം നടത്തുകയോ അല്ലെങ്കിൽ വിഷയം ഒരു കേന്ദ്ര ഏജൻസിക്ക് കൈമാറുകയോ ചെയ്യണമെന്ന് ഉത്തർപ്രദേശ് സർക്കാരിനോട് നിർദേശിച്ചു. കേസിന്റെ വാദം കേൾക്കുന്നതിനിടെയാണ് കോടതിയുടെ നിർദേശം. രാഹുൽ ഗാന്ധിയുടെ പൗരത്വ തർക്ക കേസ് പരിഗണിക്കുന്നതിനിടെ, കേസിൽ കേന്ദ്ര സർക്കാരിനെ ഒരു കക്ഷിയാക്കാൻ അലഹബാദ് ഹൈക്കോടതിയുടെ ലക്‌നൗ ബെഞ്ച് ഹർജിക്കാരനോട് ആവശ്യപ്പെട്ടിരുന്നു. പിന്നീട്, വ്യാഴാഴ്ച വാദം കേൾക്കൽ ആരംഭിച്ചയുടൻ, ആഭ്യന്തര മന്ത്രാലയത്തിൽ നിന്ന് ലഭിച്ച രേഖകൾ വളരെ രഹസ്യ സ്വഭാവമുള്ളതിനാൽ തുറന്ന കോടതിയിൽ വാദം കേൾക്കരുതെന്ന് കേന്ദ്രത്തെ പ്രതിനിധീകരിച്ച് മുതിർന്ന അഭിഭാഷകൻ എസ്.ബി. പാണ്ഡെ കോടതിയോട് അഭ്യർത്ഥിച്ചു. ഇരുഭാഗത്തിന്റെയും വാദം കേട്ട ശേഷം, ആഭ്യന്തര മന്ത്രാലയ അണ്ടർ സെക്രട്ടറി വിവേക് മിശ്രയും അസിസ്റ്റന്റ് സെക്ഷൻ ഓഫീസർ പ്രണവ് റായിയും ബന്ധപ്പെട്ട രേഖകളുമായി കോടതിയിൽ ഹാജരാകണമെന്ന് കോടതി ഉത്തരവിട്ടിരുന്നു. കോടതി രേഖകൾ പരിശോധിച്ച് അണ്ടർസെക്രട്ടറിക്ക് തിരികെ നൽകി, കേസിൽ കേന്ദ്ര സർക്കാരിനെ കക്ഷി ചേർക്കാൻ ഹർജിക്കാരനായ എസ് വിഘ്നേഷ് ശിശിറിന് അനുമതി നൽകി. ഗാന്ധിക്കെതിരെ എഫ്‌ഐആർ രജിസ്റ്റർ ചെയ്യണമെന്ന തന്റെ അപേക്ഷ തള്ളിയ ലഖ്‌നൗവിലെ പ്രത്യേക എംപി/എംഎൽഎ കോടതിയുടെ 2026 ജനുവരി 28 ലെ ഉത്തരവിനെ ചോദ്യം ചെയ്ത് കർണാടകയിൽ നിന്നുള്ള ബിജെപി പ്രവർത്തകനായ എസ് വിഘ്‌നേഷ് ശിശിർ ആണ് ഹർജി സമർപ്പിച്ചത്. രാഹുൽ ഗാന്ധിക്ക് ഇരട്ട പൗരത്വം ഉണ്ടെന്ന് അദ്ദേഹം ആരോപിക്കുകയും രാഹുൽ ബ്രിട്ടീഷ് പൗരനാണെന്ന് സൂചിപ്പിക്കുന്ന യുകെ സർക്കാരിന്റെ രേഖകളും രഹസ്യ ഇമെയിലുകളും തന്റെ കൈവശമുണ്ടെന്ന് ശിശിർ അവകാശപ്പെടുകയും ചെയ്തിരുന്നു. രാഹുൽ ഗാന്ധിക്കെതിരെ എഫ്‌ഐആർ രജിസ്റ്റർ ചെയ്യണമെന്നും വിഷയത്തിൽ സമഗ്രമായ അന്വേഷണം നടത്തണമെന്നും ഹർജിക്കാരൻ...

1
…
22
23
24
…
13,904