Author: George Kakkanatt

അമേരിക്ക ഇറാനെതിരെ വീണ്ടും ആക്രമണം നടത്തിയാൽ ശക്തമായ മിസൈൽ-ഡ്രോൺ ആക്രമണങ്ങളിലൂടെ തിരിച്ചടിക്കുമെന്ന് ഇറാൻ പരമോന്നത നേതാവ് മൊജ്താബ ഖമേനിയുടെ സൈനിക ഉപദേഷ്ടാവ്. മേഖലയിൽ യു.എസ്-ഇറാൻ സൈനിക സംഘർഷം അതിരൂക്ഷമായി തുടരുന്നതിനിടയിലാണ് ഇറാന്റെ ഭാഗത്ത് നിന്നുള്ള ഈ കടുത്ത പ്രതികരണം പുറത്തുവന്നിരിക്കുന്നത്. ഇറാനെതിരെ ഉണ്ടാകുന്ന ചെറിയ നീക്കങ്ങൾക്ക് പോലും വലിയ വില നൽകേണ്ടി വരുമെന്ന് പരമോന്നത നേതാവിന്റെ സൈനിക ഉപദേഷ്ടാവ് മൊഹ്സൻ റെസായ് വ്യക്തമാക്കി. സാമൂഹിക മാധ്യമമായ എക്സിലൂടെയാണ് (X) അദ്ദേഹം ഇറാന്റെ നിലപാട് പരസ്യപ്പെടുത്തിയത്. “ഇറാനെതിരെ ഉതിർക്കുന്ന ഓരോ വെടിയുണ്ടയ്ക്കും നടത്തുന്ന ഓരോ ആക്രമണത്തിനും പകരമായി മിസൈലുകളുടെയും ഡ്രോണുകളുടെയും ഒരു പ്രളയം തന്നെയായിരിക്കും നേരിടേണ്ടി വരിക. ആക്രമണകാരികൾ ആരായാലും അവർക്ക് എത്രയും വേഗം തന്നെ കടുത്ത ശിക്ഷ ഉറപ്പാക്കും,” മൊഹ്സൻ റെസായ് എക്സിൽ കുറിച്ചു. കഴിഞ്ഞ ദിവസങ്ങളിൽ ഇറാന്റെ എണ്ണ ടാങ്കറിന് നേരെയും തന്ത്രപ്രധാനമായ ഖേഷ്മ് (Qeshm) ദ്വീപിന് നേരെയും അമേരിക്ക ശക്തമായ ആക്രമണം നടത്തിയിരുന്നു. ഇതിന് പിന്നാലെ മേഖലയിലെ അമേരിക്കൻ സഖ്യകക്ഷികളായ കുവൈറ്റ്, ബഹ്‌റൈൻ എന്നീ രാജ്യങ്ങൾക്ക് നേരെ ഇറാൻ അനുകൂല സംഘടനകൾ തിരിച്ചടി നൽകിയതോടെയാണ് പശ്ചിമേഷ്യയിലെ യുദ്ധസമാനമായ സാഹചര്യം കൂടുതൽ വഷളായത്. യു.എസിന്റെ ഭാഗത്ത് നിന്ന് ഇനിയൊരു പ്രകോപനമുണ്ടായാൽ അത് സമ്പൂർണ്ണ യുദ്ധത്തിലേക്ക് നയിക്കുമെന്ന സൂചനയാണ് ഇറാൻ ഇപ്പോൾ...

വധിക്കപ്പെട്ട് നാല് മാസങ്ങൾക്ക് ശേഷം ഇറാന്റെ പരമോന്നത നേതാവായിരുന്ന ആയത്തുള്ള അലി ഖൊമേനിയുടെ ഭൗതികശരീരം വിലാപയാത്രയായി കൊണ്ടുപോകാനും പൊതുദർശനത്തിന് വെക്കാനും ഒരുങ്ങി ഇറാൻ ഭരണകൂടം. ഇസ്‌ലാമിക ആചാരപ്രകാരം ഷിയാ മുസ്‌ലിംകളുടെ വിശുദ്ധ നഗരമായ മഷ്‌ഹദിലെ  ഇമാം റിസ മസ്ജിദിനോട് ചേർന്ന് ഖൊമേനിയുടെ ഭൗതികശരീരം അടക്കം ചെയ്യും. ഇറാന്റെ ചരിത്രത്തിലെ തന്നെ ഏറ്റവും വലിയ ജനസഞ്ചയത്തിന് സാക്ഷ്യം വഹിച്ചേക്കാവുന്ന സംസ്‌കാര ചടങ്ങുകൾ ജൂൺ 21-ഓടെ നടക്കുമെന്ന് ഇസ്‌ലാമിക് റെവല്യൂഷണറി ഗാർഡ് കോർപ്സ് (IRGC) അറിയിച്ചു. ടെഹ്‌റാൻ, ഖോം (Qom), മഷ്‌ഹദ് എന്നീ നഗരങ്ങളിലായി നടക്കുന്ന സംസ്‌കാര ചടങ്ങുകളിൽ പങ്കെടുക്കാൻ ലോകമെമ്പാടുമുള്ള രണ്ട് കോടിയോളം വിതുമ്പുന്ന വിശ്വാസികൾ ഒത്തുചേരുമെന്നാണ് ഇറാന്റെ ഔദ്യോഗിക മാധ്യമങ്ങൾ റിപ്പോർട്ട് ചെയ്യുന്നത്. ജനങ്ങൾക്ക് അന്തിമോപചാരം അർപ്പിക്കുന്നതിനായി മൂന്ന് ദിവസത്തെ പൊതുദർശനമാണ് രാജ്യം ഒരുക്കിയിരിക്കുന്നത്. 1989-ൽ ഇസ്‌ലാമിക് റിപ്പബ്ലിക്കിന്റെ സ്ഥാപകനായ ആയത്തുള്ള റൂഹുള്ള ഖൊമേനിയുടെ മരണസമയത്ത് ഒത്തുകൂടിയ ജനസാഗരത്തെപ്പോലും മറികടക്കുന്ന രീതിയിലാകും ഇത്തവണ ജനപങ്കാളിത്തം ഉണ്ടാകുകയെന്നാണ് ടെഹ്‌റാൻ നഗരസഭാ അധികൃതർ വിലയിരുത്തുന്നത്. കഴിഞ്ഞ ഫെബ്രുവരി 28-ന് ടെഹ്‌റാനിലെ ഖൊമേനിയുടെ ഔദ്യോഗിക വസതിക്ക് നേരെ അമേരിക്കയും ഇസ്രായേലും സംയുക്തമായി നടത്തിയ വ്യോമാക്രമണത്തിലാണ് 86-കാരനായ ആയത്തുള്ള അലി ഖൊമേനി കൊല്ലപ്പെടുന്നത്. ആക്രമണത്തിൽ അദ്ദേഹത്തിന്റെ കുടുംബാംഗങ്ങളും കൊല്ലപ്പെട്ടിരുന്നു. മൂന്ന് പതിറ്റാണ്ടിലേറെയായി ഇറാന്റെ പരമോന്നത നേതാവായിരുന്ന അദ്ദേഹത്തിന്റെ മരണത്തിന് ശേഷം മകൻ ആയത്തുള്ള മൊജ്താബ ഖൊമേനിയെ പുതിയ നേതാവായി തിരഞ്ഞെടുത്തുവെങ്കിലും യുദ്ധസാഹചര്യങ്ങൾ കാരണം അദ്ദേഹം ഇതുവരെ പരസ്യമായി രംഗത്തെത്തിയിട്ടില്ല. മരണാനന്തരം എത്രയും വേഗം മൃതദേഹം സംസ്‌കരിക്കണമെന്നാണ് ഇസ്‌ലാമിക നിയമമെങ്കിലും, നിലവിലെ യുദ്ധസാഹചര്യങ്ങളും വൻ ജനക്കൂട്ടത്തെ നിയന്ത്രിക്കാനുള്ള സുരക്ഷാ സജ്ജീകരണങ്ങൾ ഒരുക്കുന്നതിലെ താമസം മൂലവുമാണ് സംസ്‌കാര ചടങ്ങുകൾ നാല് മാസം നീണ്ടുപോയതെന്ന് അധികൃതർ വിശദീകരിക്കുന്നു. ടെഹ്‌റാനിൽ 24 മണിക്കൂർ നീണ്ടുനിൽക്കുന്ന പ്രധാന ചടങ്ങുകൾക്ക് ശേഷം മൃതദേഹം ഖോം വഴിയാണ് മഷ്‌ഹദിലേക്ക് കൊണ്ടുപോകുക. റെവല്യൂഷണറി ഗാർഡ്സിന്റെ (IRGC) പൂർണ്ണമായ മേൽനോട്ടത്തിലാണ് വിലാപയാത്രയുടെ സുരക്ഷാ ക്രമീകരണങ്ങൾ...