മടക്കയാത്ര : സൗദിയില് നിന്ന് ആദ്യ വിമാനം വെള്ളിയാഴ്ച്ച കോഴിക്കോട്ടേക്ക്
റിയാദ്: കോവിഡ് പശ്ചാത്തലത്തില് സൗദിയില് കുടുങ്ങിയ ഇന്ത്യന് പ്രവാസികളെയും വഹിച്ചുള്ള ആദ്യ വിമാനം റിയാദില് നിന്ന് കോഴിക്കോട്ടേക്കാണെന്ന് അംബാസഡര് ഡോ. ഔസാഫ് സഈദ് വാര്ത്താസമ്മേളനത്തില് അറിയിച്ചു. വെള്ളിയാഴ്ച മുതലാണ് വിമാന സര്വീസുകള് തുടങ്ങുക. യാത്ര ചെയ്യുന്ന സെക്ടറിന് അനുസരിച്ച് 1500 റിയാല് വരെയാണ് ടിക്കറ്റ് നിരക്ക്. അടുത്ത ദിവസങ്ങളില് റിയാദില് നിന്ന് ഡല്ഹിയിലേക്കും ദമ്മാമില് നിന്ന് കൊച്ചിയിലേക്കും ജിദ്ദയില് നിന്ന് ഡല്ഹി, കൊച്ചി എന്നിവിടങ്ങളിലേക്കും വിമാനങ്ങള് പറക്കും. ഓരോ വിമാനത്തിലും 200 യാത്രക്കാരെ ഉള്ക്കൊള്ളാനാവും. ആദ്യ ആഴ് ചയില് 1000ത്തോളം ആളുകളെ കൊണ്ടുപോകാന് കഴിയും എന്നാണ് കരുതുന്നത്. എംബസിയില് ഇതുവരെ 60,000 ആളുകളാണ് രജിസ്റ്റര് ചെയ്തത്. ഇതില് ഭൂരിഭാഗവും മലയാളികളാണ്. ഗര്ഭിണികള്, ദുരിതത്തിലായ തൊഴിലാളികള് പോലുള്ളവര്ക്കാണ് ആദ്യ പരിഗണന നല്കുന്നത്. അതനുസരിച്ച് തയാറാക്കിയ യാത്രക്കാരുടെ പട്ടിക എയര് ഇന്ത്യയ്ക്ക് കൈമാറിയിട്ടുണ്ട്. യാത്രക്ക് മുമ്ബ് സൗദി ആരോഗ്യ മന്ത്രാലയം നിശ്ചയിച്ച രീതിയിലുള്ള ആരോഗ്യപരിശോധനകള്ക്ക് വിധേയമാകണം. ആദ്യ ഘട്ടത്തില് കേരളത്തിലേക്കും ഡല്ഹിയിലേക്കും മാത്രമാണ് വിമാനങ്ങളെങ്കില് വരുന്ന ആഴ്ചകളില് ഹൈദരാബാദ്, ബാംഗ്ലൂര് തുടങ്ങിയ കേന്ദ്രങ്ങളിലേക്കും വിമാനങ്ങള് ഷെഡ്യൂള് ചെയ്യും. സൗദി ആഭ്യന്തര മന്ത്രാലയത്തിന്റെ ഔദ രജിസ്ട്രേഷന് സംബന്ധിച്ചുള്ള വിവരങ്ങള് ലഭിച്ചിട്ടില്ലെന്നും അംബാസഡര്...
Read More
