Author: Editorial Team

വരാനിരിക്കുന്ന നിയമസഭ തെരഞ്ഞെടുപ്പിൽ യു.ഡി.എഫ് നൂറിലധികം സീറ്റുകൾ നേടി അധികാരത്തിലെത്തുമെന്ന് എ.ഐ.സി.സി ജനറൽ സെക്രട്ടറി കെ.സി വേണുഗോപാൽ. തിരഞ്ഞെടപ്പിൽ സി.പി.എം-ബി.ജെ.പി കൂട്ടുകെട്ട് പ്രകടമാണെന്നും എന്നാൽ ഇത്തവണ ഇത്തരം നീക്കങ്ങൾ വിജയിക്കില്ലെന്നും അദ്ദേഹം കൊച്ചിയിൽ നടത്തിയ വാർത്താസമ്മേളനത്തിൽ പറഞ്ഞു.  ജനവികാരം തങ്ങൾക്ക് എതിരാണെന്ന് മനസിലാക്കിയ എൽ.ഡി.എഫും ബി.ജെ.പിയും അവസാന അടവ് പയറ്റുകയാണ്. സംസ്ഥാനത്ത് സി.പി.എം-ബി.ജെ.പി സൗഹൃദം പുതിയ കാര്യമല്ലെന്നും അദ്ദേഹം കുറ്റപ്പെടുത്തി. പി.എം ശ്രീ പദ്ധതിയിലുൾപ്പെടെ ഈ അവിശുദ്ധ കൂട്ടുകെട്ട് കേരളം കണ്ടതാണ്. ഒരു പാലം ഇടുമ്പോൾ രണ്ടു ഭാഗത്തും ഗുണമുണ്ടാകണമെന്ന കാഴ്ചപ്പാടിലാണ് മുഖ്യമന്ത്രിക്കെതിരായ ലാവ്ലിൻ കേസ് തുടർച്ചയായി മാറ്റിവെക്കുന്നതെന്നും കെ.സി ആരോപിച്ചു. കേരളത്തിൽ കേന്ദ്ര ഏജൻസികൾ നടത്തുന്ന അന്വേഷണത്തിന്റെ വേഗത പരിശോധിച്ചാൽ ഇക്കാര്യം ബോധ്യപ്പെടുമെന്നും അദ്ദേഹം പറഞ്ഞു. സി.പി.എമ്മിന്റെയും ബിജെപിയുടെയും സ്ഥാനാർത്ഥി പട്ടികയിൽ ഈ അന്തർധാര പ്രതിഫലിക്കുന്നുണ്ടെന്നും പരസ്പരം സഹായിക്കാൻ ഇരു പാർട്ടികളും ധാരണയിലെത്തിയിട്ടുണ്ടെന്നും അദ്ദേഹം ആരോപിച്ചു. എന്നാൽ ഈ അവിശുദ്ധ കൂട്ടുകെട്ട് ഇരു പാർട്ടികളിലെയും പ്രവർത്തകർ തന്നെ തള്ളിക്കളയും. സർക്കാരിന്റെ ജനവിരുദ്ധ നയങ്ങളെ തുറന്ന് കാട്ടുന്നതിനൊപ്പം യു.ഡി.എഫിന്റെ ഭരണ പദ്ധതികൾ ജനങ്ങൾക്ക് മുന്നിൽ അവതരിപ്പിക്കുമെന്നും അദ്ദേഹം...

ചാവക്കാട് (തൃശൂർ): എടക്കഴിയൂരിൽ വീട്ടിൽ പ്രസവിച്ച യുവതിയും കുഞ്ഞും മരിച്ച സംഭവത്തിൽ ഭർത്താവിനെ പൊലീസ് അറസ്റ്റ് ചെയ്തു. എടക്കഴിയൂർ കല്ലുവളപ്പിൽ ഇബ്രാഹിമിനെയാണ് (43) എസ്എച്ച്ഒ എൻ.എസ്.രാജീവിന്റെ നേതൃത്വത്തിൽ അറസ്റ്റ് ചെയ്തത്. പ്രതിയെ റിമാൻഡ് ചെയ്തു. രണ്ട് മാസം മുൻപായിരുന്നു വീട്ടിലെ പ്രസവം. ആറാം നാൾ കുട്ടി മരിച്ചു; അസുഖബാധിതയായ അമ്മ മുഹസിന (37) കഴിഞ്ഞദിവസവും. സംഭവത്തിൽ മനുഷ്യാവകാശ കമ്മിഷൻ സ്വമേധയാ കേസെടുത്ത് അന്വേഷണത്തിന് ഉത്തരവിട്ടു. റൂറൽ ജില്ലാ പൊലീസ് മേധാവിയും ജില്ലാ മെഡിക്കൽ ഓഫിസറും അന്വേഷണം നടത്തി 15 ദിവസത്തിനകം റിപ്പോർട്ട് സമർപ്പിക്കണമെന്ന് കമ്മിഷൻ അംഗം വി.ഗീത ആവശ്യപ്പെട്ടു. പ്രസവത്തിനു ശേഷം ഉണ്ടായ അണുബാധ മൂലം മാസങ്ങളായി യുവതി ദുരിതം അനുഭവിച്ചുവരികയായിരുന്നു. ശരീരത്തിന് പുറത്ത് വലിയ കുരു ഉണ്ടായിരുന്നതിനാൽ തിരിഞ്ഞുകിടക്കാൻ പോലും കഴിയാത്ത സ്ഥിതിയിലായിരുന്നു. കഴിഞ്ഞ ദിവസം ശാരീരിക പ്രയാസങ്ങൾ അനുഭവപ്പെട്ടതിനെ തുടർന്ന് സ്വകാര്യ ആശുപത്രിയിലും പിന്നീട് തൃശൂർ മെഡിക്കൽ കോളജ് ആശുപത്രിയിലും പ്രവേശിപ്പിക്കുകയായിരുന്നു. ഏഴു തവണ പ്രസവിച്ച യുവതിയുടെ രണ്ട് കുട്ടികൾ നേരത്തേ മരിച്ചിരുന്നു. ജനുവരി 10ന് കുട്ടി മരിച്ച സംഭവത്തിൽ മതിയായ ചികിത്സ ലഭിച്ചില്ലെന്നു കാണിച്ച് പൊതുപ്രവർത്തകൻ പുതുപൊന്നാനി പാലയ്ക്കൽ ഹംസത്ത് മുഹമ്മദ് പൊലീസിനെ സമീപിച്ചിരുന്നു. ഗർഭകാലത്തോ പ്രസവ സമയത്തോ അതിനുശേഷമോ അമ്മയ്ക്കും കുഞ്ഞിനും വൈദ്യസഹായം ലഭ്യമാക്കിയിരുന്നില്ല. സംഭവത്തിൽ പ്രതി ഇബ്രാഹിമിനെ സഹായിച്ച ചാവക്കാട് ചേറ്റുവ റോഡിലെ ഫെയ്സിറ്റ അക്യുപംക്ചർ സ്ഥാപനം നടത്തുന്ന റുവൈദ ഫൈസൽ, അക്യുപംക്ചർ പ്രചാരകൻ കുറ്റിപ്പുറം സ്വദേശി ജുനൈദ് എന്നിവർക്കെതിരെയും പൊലീസ്...