തൃശ്ശൂർ പൂരത്തിനിടെ വിദേശ വനിതാ വ്‌ളോഗര്‍ക്കും ആൺ സുഹൃത്തിനും നേരെ പീഡനം നേരിട്ടതായി വെളിപ്പെടുത്തൽ. ബ്രിട്ടനിൽ നിന്നുള്ള സുഹൃത്തുക്കളായ യുവാവും യുവതിയുമാണ് സാമൂഹിക മാധ്യമങ്ങളിലൂടെ തങ്ങൾ നേരിട്ട ദുരനുഭവം വെളിപ്പെടുത്തിയത്. UNSTUK with Mac & Keen എന്ന ഇൻസ്റ്റഗ്രാം ഹാൻഡിലിലൂടെയാണ് ഇവർ വിവരങ്ങൾ പുറത്തുവിട്ടിട്ടുള്ളത്.
തൃശ്ശൂർ പൂരവുമായി ബന്ധപ്പെട്ട കാര്യങ്ങൾ ഇന്റർവ്യൂ ചെയ്യുന്നതിനിടെ യുവതിയെ ഒരാൾ ബലമായി ചുംബിക്കാന്‍ ശ്രമിക്കുന്നത് വീഡീയോയിൽ കാണാം. ഇതിന്റെ വീഡിയോ വ്‌ളോഗര്‍മാര്‍ പുറത്തുവിട്ടിട്ടുണ്ട്.
ഇതിനു പിന്നാലെയാണ് തന്റെ സ്വകാര്യഭാഗത്ത് ഒരാൾ സ്പര്‍ശിച്ചതായി വിദേശ യുവാവും വീഡിയോയിലൂടെ വെളിപ്പെടുത്തിയത്. തൃശ്ശൂര്‍ പൂരത്തിന്റെ ഏറ്റവും മോശപ്പെട്ട നിമിഷങ്ങള്‍ എന്ന് പറഞ്ഞാണ് ഇവര്‍ വീഡിയോ പങ്കുവെച്ചിരിക്കുന്നത്.
