ബോളിവുഡ് സൂപ്പർതാരം സൽമാൻ ഖാൻ്റെ വസതിക്ക് പുറത്ത് നടന്ന വെടിവെപ്പിന് ഉപയോഗിച്ച ആയുധങ്ങൾ കണ്ടെടുക്കാനുള്ള തിരച്ചിലിനിടെ ഗുജറാത്തിലെ താപി നദിയിൽ നിന്ന് രണ്ട് പിസ്റ്റളുകളും മാഗസിനുകളും ബുള്ളറ്റുകളും മുംബൈ പോലീസിൻ്റെ ക്രൈംബ്രാഞ്ച് കണ്ടെടുത്തു.
തിങ്കളാഴ്ച ആരംഭിച്ച തിരച്ചിലിൽ രണ്ട് പിസ്റ്റളുകളും മൂന്ന് മാഗസിനുകളും 13 ബുള്ളറ്റുകളും ക്രൈംബ്രാഞ്ച് കണ്ടെടുത്തതായി ഉദ്യോഗസ്ഥർ പറഞ്ഞു.
‘എൻകൌണ്ടർ സ്പെഷ്യലിസ്റ്റ്’ സീനിയർ പോലീസ് ഇൻസ്പെക്ടർ ദയാ നായക് ഉൾപ്പെടെ 12 ഉദ്യോഗസ്ഥരുടെ സംഘം ഇപ്പോഴും സ്ഥലത്തുണ്ട്. സ്കൂബാ ഡൈവർമാരുടെ സഹായത്തോടെ തിരച്ചിൽ തുടരുകയാണെന്നും അദ്ദേഹം പറഞ്ഞു.
