റിയാദ്: ഒട്ടകത്തിന് തിന്നാല് 500 റിയാല് കറന്സി നോട്ട് നല്കിയെന്ന കേസില് സൗദി പൗരന് അറസ്റ്റിലായി. ഇയാള് 500 റിയാലിന്റെ നോട്ട് ഒട്ടകത്തിന്റെ വായില് വച്ചുകൊടുക്കുന്ന വീഡിയോ എടുത്ത് സോഷ്യല് മീഡിയയില് പോസ്റ്റ് ചെയ്തിരുന്നു. ഇത് സാമൂഹ്യ മാധ്യമങ്ങളില് ഉള്പ്പെടെ വലിയ പ്രതിഷേധത്തിന് കാരണമായി. സംഭവത്തെ കുറിച്ച് വിവരം ലഭിച്ചയുടന് ഇയാളെ കണ്ടെത്തി പോലിസ് അറസ്റ്റ് ചെയ്യുകയായിരുന്നു.
റിയാദിന്റെ വടക്ക് കിഴക്ക് അല് ദവാദ്മി ഗവര്ണറേറ്റില് വെച്ചാണ് പോലിസ് ഇയാളെ അറസ്റ്റ് ചെയ്തത്. രാജ്യത്തിന്റെ കറന്സി നോട്ട് മനപ്പൂര്വം കേടുവരുത്തുകയും നിയമവിരുദ്ധമായ പ്രവൃത്തി വീഡിയോ ക്ലിപ്പിലൂടെ പരസ്യപ്പെടുത്തുകയും ചെയ്തുവെന്ന് കുറ്റത്തിനാണ് ഇയാള്ക്കെതിരേ സൗദി പോലീസ് കേസെടുത്തിരിക്കുന്നത്.