കാപ്പി കുടിച്ചാൽ അത് ആരോഗ്യത്തോടെ അല്ലാതെയാവുന്ന ചില സാഹചര്യങ്ങളുണ്ട്. പരമാവധി ആരോഗ്യ ഗുണങ്ങൾ ലഭിക്കുമെങ്കിലും കാപ്പി ചില പാർശ്വഫലങ്ങൾ നമുക്ക് പ്രദാനം ചെയ്യുന്നു. ഇത്തരക്കാർ ഒരു കാരണവശാലും കാപ്പി കുടിക്കരുത് എന്നതാണ് ശ്രദ്ധിക്കേണ്ട കാര്യം. ചിലരോട് ഡോക്ടർമാർ ഇടപെട്ട് തന്നെ ഇത്തരം കാര്യങ്ങൾ പറയാറുണ്ട്. എന്തൊക്കെയെന്ന് നോക്കാം.
ഉറക്ക പ്രശ്നങ്ങളുള്ളവർ
ഉറക്ക സംബന്ധമായ പ്രശ്നങ്ങളുള്ളവർ ഒരു കാരണവശാലും കാപ്പി കുടിക്കരുത്. ഇത് ഉറക്കത്തിലേക്ക് നിങ്ങളെ എത്തിക്കുന്നതിന് പകരം കൂടുതൽ സമയം ഉണർന്നിരിക്കുന്നതിന് കാരണമാകുന്നു. രാത്രിയിൽ ശാന്തമായ ഉറക്കം ലഭിക്കുന്നത് ബുദ്ധിമുട്ടാക്കുന്ന തരത്തിലേക്ക് കാപ്പിയുടെ ഉപയോഗം മാറുമ്പോൾ ശ്രദ്ധിക്കണം. അതുകൊണ്ട് തന്നെ ഉറങ്ങാൻ പോവുന്നതിന് ുമ്പുള്ള മണിക്കൂറുകളിൽ കഫീൻ കഴിക്കുന്നത് ഒഴിവാക്കാൻ ശ്രദ്ധിക്കണം.
കഫീൻ പ്രവർത്തിക്കുന്നത്
കഫീൻ തലച്ചോറിൽ അഡിനോസിൻ റിസപ്റ്ററുകളെ തടയുകയാണ് ചെയ്യുന്നത്. ഇതാണ് നിങ്ങളിൽ ഉറക്കത്തെ നിയന്ത്രിക്കുന്നതും. സാധാരണ അവസ്ഥയിൽ ഉണർന്നിരിക്കുന്തോറും തലച്ചോറിൽ അഡിനോസിൻ അടിഞ്ഞു കൂടുന്നു. അത് എത്രത്തോളം കൂടുന്നുവോ അത്രത്തോളം നിങ്ങൾക്ക് ഉറക്കം വരുന്നു. കഫീൻ ഈ പ്രക്രിയയെ തടയുമ്പോൾ, നിങ്ങളുടെ ഉറക്കം പൂർണമായും തടസ്സപ്പെടുന്നു.
മെറ്റബോളിസത്തിന്റെ വേഗത കുറവുള്ളവർ
മെറ്റബോളിസത്തിന്റെ ഏറ്റക്കുറച്ചിലുകൾ പലപ്പോഴും നിങ്ങളിൽ പ്രശ്നങ്ങളുണ്ടാക്കുന്നു. അത് പലപ്പോഴും നിങ്ങളിൽ ഉണ്ടാവുന്നതിന് കാരണമാവുന്നത് നിങ്ങളുടെ കാപ്പി കുടി ഒരു കാരണമായേക്കാം. വിദഗ്ധരുടെ അഭിപ്രായത്തിൽ, കഫീൻ അടങ്ങിയ പാനീയങ്ങൾ ചില വിറ്റാമിനുകളുടെയും ധാതുക്കളുടെയും ആഗിരണത്തെ തടയുകയാണ് ചെയ്യുന്നത്. ഇത്തരം കാര്യങ്ങൾ പലപ്പോഴും ശരീരത്തിൽ വീക്കത്തിന് കാരണമാകുന്നു. അതുകൊണ്ട് ഇവർ കാപ്പി കുടിക്കുന്നത് അൽപം ശ്രദ്ധിച്ച് വേണം.
ഉത്കണ്ഠ കൂടിയവർ
വിദഗ്ധരുടെ അഭിപ്രായത്തിൽ, കഫീൻ ചിലപ്പോൾ ഉത്കണ്ഠയുടെ ലക്ഷണങ്ങൾ വർദ്ധിപ്പിക്കുന്നു. ഇത്തരം കാര്യങ്ങൾ ശ്രദ്ധിച്ചില്ലെങ്കിൽ അത് കൂടുതൽ അപകടത്തിലേക്ക് നിങ്ങളെ എത്തിക്കുന്നു. അതുകൊണ്ട് തന്നെ ഇത്തരം കാര്യങ്ങൾ അൽപം ശ്രദ്ധിക്കണം. മാനസികാരോഗ്യത്തെ വരെ ബാധിക്കുന്ന അവസ്ഥയിലേക്ക് കാര്യങ്ങൾ എത്തുന്നു. കഫീൻ തന്നെയാണ് ഇവിടേയും വില്ലൻ. ഇത്തരം കാര്യങ്ങൾ ഓർമ്മയിൽ വെച്ച് വേണം കാപ്പി കുടിക്കുന്നതിന്.
