സൗത്ത് ഗോവ ലോക്‌സഭാ മണ്ഡലത്തിലെ ബിജെപി സ്ഥാനാർത്ഥി പല്ലവി ഡെംപോ ചൊവ്വാഴ്ചയാണ് വരാനിരിക്കുന്ന തിരഞ്ഞെടുപ്പിനുള്ള നാമനിർദ്ദേശ പത്രിക സമർപ്പിച്ചത്. വ്യവസായി ശ്രീനിവാസ് ഡെംപോയുടെ ഭാര്യയായ ബിജെപി സ്ഥാനാർത്ഥിക്ക് 250 കോടിയിലധികം ആസ്തി ഉണ്ടെന്നാണ് തിരഞ്ഞെടുപ്പ് സത്യവാങ്മൂലത്തിൽ പറയുന്നത്.
ഏകദേശം 217.11 കോടി രൂപയുടെ ബോണ്ടുകൾ, 12.92 കോടി രൂപയുടെ സമ്പാദ്യം, 2.54 കോടി വിലമതിക്കുന്ന വാഹനങ്ങൾ, 5.69 കോടി രൂപയുടെ സ്വർണം, ഏകദേശം 9.75 കോടി രൂപ വിലമതിക്കുന്ന മറ്റ് വസ്തുക്കൾ എന്നിവയുൾപ്പെടെയുള്ള സ്വത്തുക്കൾ അവരുടെ തിരഞ്ഞടുപ്പ് സത്യവാങ്മൂലത്തിൽ വെളിപ്പെടുത്തി.
കോൺഗ്രസിൻ്റെ വിരിയാറ്റോ ഫെർണാണ്ടസിനെതിരെയാണ് ഡെംപോ ഇൻഡസ്ട്രീസ് എക്‌സിക്യൂട്ടീവ് ഡയറക്ടർ പല്ലവി ഡെംപോ മത്സരിക്കുന്നത്.
