യാണിംഗ് (yawning) അഥവാ കോട്ടുവാ വരുന്നത് ഒരു സാധാരണ പ്രക്രിയയാണ്. മനുഷ്യര്ക്ക് മാത്രമല്ല, മൃഗങ്ങള്ക്കും ഇതുണ്ടാകാം. പലരും ഉറക്കം വരുന്നതു കാരണവും ഇതല്ലെങ്കില് അലസത കാരണവുമെല്ലാമാണ് കോട്ടുവാ വരുന്നതെന്ന് പൊതുവേ കരുതാറുണ്ട്. ക്ലാസുകളില് കുട്ടികള് കോട്ടുവാ വിടുന്നത് കാണുമ്പോള് ക്ലാസില് ശ്രദ്ധിയ്ക്കുന്നില്ലെന്ന് പൊതുവേ നാം കരുതാറുണ്ട്. ആരെങ്കിലും സംസാരിച്ച് കൊണ്ടിരിയ്ക്കുമ്പോള് കോട്ടുവാ വിടുന്നത് മറ്റേയാള് പറയുന്നതിനോടുള്ള ശ്രദ്ധക്കുറവ് എന്നതുപോലുള്ള തോന്നലുകളും ഉണ്ടാക്കുന്ന ഒന്നാണ്. എന്നാല് വാസ്തവത്തില് യാണിംഗ് അഥവാ കോട്ടുവാ എന്നത് ഇത്തരത്തിലെ നിര്വചനങ്ങള് നല്കേണ്ട ഒന്നല്ല.
കോട്ടുവാ
കോട്ടുവാ അഥവാ യോണിംഗ് എന്നത് നമ്മുടെ ശരീരം വിജിലന്റായി നിര്ത്തുന്നതിന് ശരീരം സ്വീകരിയ്ക്കുന്ന ഒന്നാണ്. അതായത് നമ്മെ ജാഗരൂകരാക്കുന്നതിന് ബ്രെയിന് നല്കുന്ന ഒരു സന്ദേശമായി ഇതിനെ കാണാം. കോട്ടുവാ വരുമ്പോള് വാ തുറന്ന് നാം മാക്സിമം ഓക്സിജന് അകത്താക്കുന്നു. കാര്ബണ് ഡൈ ഓക്സൈഡ് അകത്താക്കുന്നു. ഇത് തലച്ചോര് തണുപ്പിയ്ക്കാന് വേണ്ടി നടത്തുന്ന പ്രക്രിയയായും കണക്കാക്കാം. കാരണം കോട്ടുവായിടുമ്പോള് മുഖത്തെ മസിലുകള് റിലാക്സ് ചെയ്യുന്നു. ഇത് നാഡികള്ക്ക് റിലാക്സേഷന് നല്കുന്നു. ഇതുപോലെ വായു കൂടുതല് ഉള്ളിലെത്തുമ്പോള് ശരീരം തണുക്കുകയും ചെയ്യുന്നു
ഒരാള് കോട്ടുവായിട്ടാല്
നാം ശ്രദ്ധിച്ചു കാണും, ഒരാള് കോട്ടുവായിട്ടാല് സമീപത്തുള്ളവര്ക്കും കോട്ടുവാ വരുന്നത്. ഇതിന് കാരണം മനുഷ്യന് സാമൂഹ്യജീവിയാണെന്നത് തന്നെയാണ്. ശരീരം അല്പം വിജിലന്റാക്കി നിര്ത്താന് വേണ്ടി തന്നെയാണ് ഒരാള് കോട്ടുവായിടുമ്പോള് അടുത്തയാള്ക്കും ഇതു വരുന്നതെന്നതാണ് മറ്റൊരു വിശദീകരണം. ചിമ്പാന്സികളിലും നായ്ക്കളിലും ഇതേ പോലെ കോട്ടുവാ വരുന്നതായി പഠനങ്ങള് കണ്ടെത്തിയിട്ടുണ്ട്. ഒരാള് ചെയ്യുന്നത് അനുകരിയ്ക്കുന്ന സൈക്കോളജിക്കല് പ്രക്രിയയായും ഇതിന് വിശദകരണമുണ്ട്.
സൈക്കോളജി
ഇതിന് മറ്റൊരു സൈക്കോളജി കൂടി പറയുന്നു. നമുക്ക് കൂടുതല് അടുപ്പമള്ളവര്ക്ക് കോട്ടുവാ വന്നാല് നമുക്കും അതു വരാനുള്ള സാധ്യതയേറെയാണ്. അതായത് നമ്മുടെ സാന്നിദ്ധ്യത്തില് കോട്ടുവാ വന്നാല്. ഉദാഹരണത്തിന് കുടുംബാംഗങ്ങള് ഒന്നിച്ചിരിയ്ക്കുമ്പോള് ഒരാള്ക്ക് കോട്ടുവാ വന്നാല് മറ്റൊരാള്ക്കും വരുന്നത് ശ്രദ്ധിച്ചാല് മനസിലാകും. ഒരു അപരിചിതന് കോട്ടുവാ വന്നാല് നമുക്കും അതേ കോട്ടുവാ വരാന് സാധ്യത കുടുംബാംഗം, അടുപ്പമുളളയാള് എന്നതിനേക്കാള് കുറവുമാണ്. ഇതിനാല് ഇത് ഒരു എംപതി എന്ന രീതിയിലും ചില തിയറികള് പ്രകാരം കണക്കാക്കപ്പെടുന്നു.
ആരോഗ്യകരമായ തലച്ചോറിന്റെ അടയാളം
ആരോഗ്യകരമായ തലച്ചോറിന്റെ ഒരു അടയാളം കൂടിയാണ് കോട്ടുവാ വരുന്നത്. തലച്ചോര് വളര്ച്ചയ്ക്ക് പ്രശ്നമുളളവര്ക്ക് ഇത്തരം പ്രക്രിയ കുറവാണെന്നും പഠനങ്ങള് പറയുന്നുണ്ട്. ഇതിന് ക്ഷീണവുമായി ബന്ധപ്പെടുത്തിയും വിശദീകരണമുണ്ട്. നാം ക്ഷീണിച്ചിരിയ്ക്കുമ്പോള് ശരീരത്തിന് കൂടുതല് ഓക്സിജന് ലഭ്യമാക്കി ഉന്മേഷം വരുന്നതിന് കോട്ടുവായിലൂടെ ശരീരത്തില് കൂടുതലായി എത്തുന്ന വായു സഹായിക്കുന്നു. മാത്രമല്ല, ശരീരത്തിലെ കാര്ബണ് ഡൈ ഓക്സൈഡ് പുറത്ത് പോകുന്നതിനും ഇത് സഹായിക്കുന്നു. ഇത് ശരീരത്തിനും തലച്ചോറിനും ഗുണകരമാകുന്നു.