ഭക്ഷണം കാത്തിരിക്കുന്നവരുടെ മുന്നിലേയ്ക്ക് വെയിലും മഴയും അവഗണിച്ച് ഓടിയെത്തുന്നവരാണ് ഡെലിവറി ഏജൻ്റുകൾ. വളരെ സാധാരണക്കാരായി നമുക്കിടയിലേയ്ക്കെത്തുന്ന ഏജൻ്റുകൾ അത്ര നിസ്സാരക്കാരല്ലെന്ന് തെളിയിക്കുന്ന ഒരു വീഡിയോയാണ് ഇപ്പോൾ സോഷ്യൽ മീഡിയയിൽ ട്രെൻ്റിംഗ്.
സൊമാറ്റൊ ഡെലിവറിക്കായി ഹാർലി ഡേവിഡ്സണിൽ പോകുന്ന ഡെലിവറി ബോയുടെ ദൃശ്യമാണ് ഇൻസ്റ്റാഗ്രാമിൽ തരംഗമായി മാറുന്നത്. 2.4 ലക്ഷത്തിനു മുകളിൽ വില വരുന്ന ഹാർലി-ഡേവിഡ്‌സൺ X440 എന്ന ഹൈ-എൻഡ് ബൈക്കാണ് ഇയാൾ ഓടിക്കുന്നത്.
വിലകൂടിയ ഹെൽമറ്റും ഗ്ലൗസും ധരിച്ച് കർണാടക രജിസ്ട്രേഷൻ ബൈക്കുമായാണ് ട്രാഫിക്കിലൂടെ കടന്നുപോകുന്നത്. വീഡിയോ എത്തിയതോടെ കമൻ്റ് ബോക്സും രസകരമാകുകയാണ്.
ഡെലിവറി ബോയ് ആയി തൻ്റെ സ്വന്തം സ്വപ്നങ്ങൾ നിറവേറ്റുന്നു” എന്നും ഡെലിവറി കമ്പനിയെ പ്രമോട്ട് ചെയ്യുന്ന പരസ്യമാണിതെന്നും പലരും പറയുന്നു. ചിലരാകട്ടെ ഇത് സാക്ഷാത് സൊമാറ്റോ സ്ഥാപകനായ ദീപിന്ദർ ഗോയൽ തന്നെയാണെന്നും പറയുന്നു. ഒഴിവുസമയത്ത് ഓർഡറുകൾ ഡെലിവർ ചെയ്യാൻ ശ്രമിക്കുന്ന പാവം മുതലാളിയെക്കുറിച്ചും ചിലർ വ്യാകുലപ്പെടുകയാണ്.
ഹെൽമെറ്റിനുള്ളിൽ മറഞ്ഞിരിക്കുന്ന ആ മുഖം തേടുകയാണ് സോഷ്യൽ മീഡിയ. ഫുഡ് ഡെലിവറിക്കായി ഈ ആഢംഭര ബൈക്കിൽ കറഞ്ഞുന്ന ചെറുപ്പക്കാരനെ കണ്ടെത്താനുള്ള പരിശ്രമവും ശക്തമാണ്.
