റിയാദ്: സുഡാനില് നിന്ന് സൗദിയില് എത്തിയ ഉംറ തീര്ഥാടകരുടെ വിസാ കാലാവധി നീട്ടി നല്കും. സുഡാനില് ആഭ്യന്തര കലാപം തുടരുന്ന പശ്ചാത്തലത്തിലാണ് സുഡാനിലേക്ക് മടങ്ങാന് പ്രയാസമുള്ള തീര്ഥാടകരുടെ വിസാ കാലാവധി സൗജന്യമായി നീട്ടി നല്കുന്നത്.
വിസാ കാലാവധി പുതുക്കി നല്കാന് സല്മാന് രാജാവ് പാസ്പോര്ട്ട് വിഭാഗത്തിന് നിര്ദേശം നല്കി. സുഡാനി തീര്ഥാടകരെ സൗദിയിലുള്ളവര്ക്ക് കൂടെ താമസിപ്പിക്കാനും സൗദി ആഭ്യന്തര മന്ത്രാലയം സൗകര്യം ഒരുക്കി. ഇതിനു പ്രത്യേക പദ്ധതി ആവിഷ്കരിക്കുകയും ചെയ്തു.