കൊച്ചി: എറണാകുളം ലോ കോളജിലെ പരിപാടിക്കിടെ നടി അപർണ ബാലമുരളിയോട് വിദ്യാർഥി അപമര്യാദയായി പെരുമാറി. കോളജ് യൂനിയനുമായി ചേർന്ന് സിനിമ പ്രമോഷന്റെ ഭാഗമായി നടത്തിയ ചടങ്ങിലാണ് വിഷ്ണു എന്ന വിദ്യാർഥി മോശമായി പെരുമാറിയത്.
നടൻ വിനീത് ശ്രീനിവാസൻ, സംഗീത സംവിധായകന് ബിജിപാല് എന്നിവരും വേദിയിലുണ്ടായിരുന്നു. പൂവ് നൽകാൻ വേദിയിലേക്ക് കയറിവന്ന വിദ്യാർഥി അപർണക്ക് ഹസ്തദാനം ചെയ്തശേഷം തോളിൽ കൈയിടാൻ ശ്രമിക്കുകയായിരുന്നു. സംഭവം ഗൗരവത്തോടെയാണ് കാണുന്നതെന്ന് ലോ കോളജ് യൂനിയന് നേതൃത്വം വിശദീകരിച്ചു.