തിരുവനന്തപുരം: വനിതാ എസ്ഐയെ ആക്രമിച്ച കേസിലെ പ്രതി അറസ്റ്റിൽ. വർക്കല സ്വദേശി പുത്തൻവീട്ടിൽ ജിനു ഹബീബുല്ലയെയാണ് (43) കയ്പമംഗലം പോലീസ് അറസ്റ്റ് ചെയ്തത്.
ശനിയാഴ്ച രാത്രിയായിരുന്നു സംഭവം. മദ്യപിച്ച് അപകടകരമാം വിധത്തിൽ മിനി ടിപ്പർ ഓടിച്ച ജിനുവിനെ നാട്ടുകാർ തടഞ്ഞ് പോലീസിനെ അറിയിക്കുകയായിരുന്നു.
പ്രതിയെ ജീപ്പിൽ കയറ്റാൻ ശ്രമിച്ച ഉദ്യോഗസ്ഥരെ ജിനു ആക്രമിക്കാൻ ശ്രമിച്ചു. ഇത് തടയാനെത്തിയ വനിതാ എസ്ഐ കൃഷ്ണ പ്രസാദിനെയാണ് പ്രതി മർദിച്ചത്. കോടതിയിൽ ഹാജരാക്കിയ ജിനുവിനെ റിമാൻഡ് ചെയ്തു.
