സന്തോഷ് ട്രോഫി ഫുട്ബോളിൽ ഗ്രൂപ്പ് മത്സരത്തിൽ ജമ്മു കശ്മീരിനെയും തകർത്ത് കേരളം കുതിപ്പ് തുടരുന്നു. എതിരില്ലാത്ത മൂന്നു ഗോളുകൾക്കാണ് ജമ്മുവിനെ കേരളം തകർത്തത്. ഇതോടെ ഗ്രൂപ്പിൽ 12 പോയിന്റുമായി കേരളം ഒന്നാമതെത്തി.
കേരളത്തിനായി വിഘ്നേഷ് (51), റിസ്വാൻ (76), നിജോ ഗിൽബർട്ട് (93) എന്നിവരാണ് ഗോളുകൾ നേടിയത്. മിസോറാമിനെതിരേ ഞായറാഴ്ച നടക്കുന്ന അവസാന ഗ്രൂപ്പ് മത്സരത്തിൽ തോൽക്കാതിരുന്നാൽ കേരളത്തിന് നേരിട്ട് ഫൈനൽ റൗണ്ട് കളിക്കാം.