തൊടുപുഴ: ഇടുക്കി അടിമാലിയിൽ പയര്‍മണി തൊണ്ടയില്‍ കുരുങ്ങി രണ്ടുവയസുകാരിക്ക് ദാരുണാന്ത്യം. അടിമാലി തോക്കുപാറ പുത്തന്‍പുരക്കല്‍ രഞ്ജിത് -ഗീതു ദമ്പത്തികളുടെ മകള്‍ റിതികയാണ് മരിച്ചത്.
വ്യാഴാഴ്ച രാത്രി എട്ടരയോടെയാണ് സംഭവം. മുളപ്പിക്കാനായി ടിന്നില്‍ സൂക്ഷിച്ചിരുന്ന പയര്‍ മണികള്‍ റിതിക വാരിവായിലിടുകയായിരുന്നു. അസ്വസ്ഥത പ്രകടിപ്പിച്ച കുട്ടിയെ ഉടന്‍ അടിമാലിയിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
