ഫ്ലോറിഡ: തന്റെ സ്വകാര്യ ബിസിനസുകൾ കൈവശം വച്ചിരിക്കുന്ന ട്രസ്റ്റിന്റെ രേഖകൾ സംരക്ഷിക്കാൻ മുൻ പ്രസിഡന്റ് ഡൊണാൾഡ് ട്രംപ് ന്യൂയോർക്ക് അറ്റോർണി ജനറൽ ലെറ്റിഷ്യ ജെയിംസിനെതിരെ ഫ്ലോറിഡ സ്റ്റേറ്റ് കോടതിയിൽ കേസ് ഫയൽ ചെയ്തു.
വൻ സാമ്പത്തിക തട്ടിപ്പ് പദ്ധതിയിൽ പങ്കെടുത്തുവെന്ന് ആരോപിച്ച്, ട്രംപിനും ട്രംപ് ഓർഗനൈസേഷനിൽ ഉൾപ്പെട്ടിരിക്കുന്ന അദ്ദേഹത്തിന്റെ കുട്ടികൾക്കും മറ്റുള്ളവർക്കുമെതിരെ 250 മില്യൺ ഡോളർ പിഴ ഈടാക്കുന്ന കേസാണ് ലെറ്റിഷ്യ ജെയിംസ് ഫയല്‍ ചെയ്തിരിക്കുന്നത്.
ബുധനാഴ്ച ജെയിംസിനെതിരെ സമര്‍പ്പിച്ചിട്ടുള്ള വ്യവഹാരത്തിൽ, ട്രസ്റ്റിന്റെ സ്വത്തുക്കളിൽ അറ്റോർണി ജനറലിന് അധികാരമില്ലെന്നും അതിന്റെ സ്വത്തുക്കളുടെ നിയന്ത്രണം നേടാനുള്ള അധികാരമില്ലെന്നും അവകാശപ്പെട്ട് ജെയിംസിന്റെ ശ്രമം മുന്നോട്ട് പോകുന്നതിനെ തടയണമെന്ന് ആവശ്യപ്പെട്ടാണ് ട്രംപ് കോടതിയെ സമീപിച്ചിരിക്കുന്നത്.
മുൻ പ്രസിഡന്റിന്റെ ആസ്തി ബില്യൺ കണക്കിന് ഡോളർ വർദ്ധിപ്പിച്ച്, തെറ്റിദ്ധരിപ്പിക്കുന്ന സാമ്പത്തിക പ്രസ്താവനകളിലൂടെ കടം കൊടുക്കുന്നവരെയും മറ്റുള്ളവരെയും വഞ്ചിച്ചുകൊണ്ട് കഴിഞ്ഞ 20 വർഷമായി ട്രംപും കുടുംബവും “ഒട്ടനേകം വഞ്ചനകളിലൂടെയും തെറ്റിദ്ധരിപ്പിക്കലിലൂടെയും” തങ്ങളെത്തന്നെ സമ്പന്നരാക്കുന്നുവെന്നാണ് അറ്റോര്‍ണി ജനറല്‍ ലെറ്റിഷ്യ ജെയിംസിന്റെ ആരോപണം.
ജെയിംസും ട്രംപും വ്യാഴാഴ്ച ന്യൂയോർക്ക് കോടതിയിൽ വാക്കാലുള്ള വാദങ്ങൾ നടത്തും, അവിടെ ട്രംപ് ഓർഗനൈസേഷന്റെ ആസ്തികൾ നീക്കുന്നതിൽ നിന്നും ബിസിനസ് പുനഃക്രമീകരിക്കുന്നതിൽ നിന്നും തടയാൻ അറ്റോർണി ജനറൽ ശ്രമിക്കുന്നത് “ബാധ്യത ഒഴിവാക്കുന്നതിന്” വേണ്ടിയാണെന്ന് ആരോപിക്കപ്പെടുന്നു. കൃത്യത ഉറപ്പാക്കാൻ ട്രംപ് ഓർഗനൈസേഷൻ സാമ്പത്തിക പ്രസ്താവനകൾ സൃഷ്ടിക്കുന്നതിന് മേൽനോട്ടം വഹിക്കാൻ ഒരു മോണിറ്ററെ നിയമിക്കണമെന്നും അവർ കോടതിയോട് ആവശ്യപ്പെടുന്നു.
ട്രംപ് ഓർഗനൈസേഷൻ പോർട്ട്‌ഫോളിയോയിലെ 23 പ്രോപ്പർട്ടികൾ ഉൾപ്പെടെ മുൻ ട്രംപ് ഓർഗനൈസേഷൻ സിഎഫ്‌ഒ അല്ലെൻ വീസൽബെർഗിന്റെയും ദീർഘകാല കമ്പനി എക്‌സിക്യൂട്ടീവ് ജെഫ് മക്കോണിയുടെയും പേരിലാണ് ജെയിംസ് സെപ്റ്റംബറിൽ
കേസ് ഫയൽ ചെയ്തത്.
