തിരുവനന്തപുരം: ട്വന്റി-20 ലോകകപ്പ് ടീമില് ഇടം നേടാത്തതില് പ്രതികരണവുമായി സഞ്ജു സാംസണ്. റിഷഭ് പന്തിനും കെ.എല്.രാഹുലിനും പകരം തന്നെ ടീമിലെടുക്കണമെന്ന തരത്തിലുള്ള ചര്ച്ചകള് ശ്രദ്ധിക്കുന്നുണ്ടെന്നും എന്നാല് അവരോട് മത്സരിക്കാന് നില്ക്കുന്നത് ടീമിനു തിരിച്ചടിയാകുമെന്നും സഞ്ജു പറഞ്ഞു.
“സഞ്ജു ആര്ക്ക് പകരം ടീമിലെത്തണം എന്നതിനെക്കുറിച്ച് മാധ്യമങ്ങളിലും സോഷ്യല് മീഡിയയിലും ചര്ച്ചകള് നടക്കുന്നുണ്ട്. റിഷഭ് പന്തിനും കെ.എല്.രാഹുലിനുമെല്ലാം പകരം ടീമിലെത്തണമെന്നു പറയുന്നു. അവർ എന്റെ സ്വന്തം ടീമിന് വേണ്ടിയാണ് കളിക്കുന്നത്. അവരോട് മത്സരിക്കാന് നിന്നാല് അത് എന്റെ സ്വന്തം രാജ്യത്തിന് തന്നെ തിരിച്ചടിയാകും’- സഞ്ജു അഭിപ്രായപ്പെട്ടു.
അഞ്ചു വര്ഷത്തിനുശേഷം ഇന്ത്യന് ടീമില് തിരിച്ചെത്താനായത് വലിയ ഭാഗ്യമായി കരുതുന്നു എന്നും ടീമിലെ ഏറ്റവും മികച്ച 15 പേരുടെ ഭാഗമാകുക എന്നത് വലിയ കാര്യമാണെന്നും സഞ്ജു പറഞ്ഞു.