പാലക്കാട്: പാലക്കാട് നഗരത്തിൽ യുവതിക്ക് തെരുവ് നായയുടെ കടിയേറ്റു. മണലാഞ്ചേരി സ്വദേശിനി സുൽത്താനയാണ് തെരുവ് നായയുടെ ആക്രമണം നേരിട്ടത്. സുൽത്താനയുടെ കൈയ്ക്കും കാലിനും മുഖത്തിനുമാണ് പരിക്കേറ്റത്.
ചൊവ്വാഴ്ച വൈകുന്നേരം ജോലി കഴിഞ്ഞ് മടങ്ങവേ, വീടിന് സമീപത്തുവച്ചായിരുന്നു നായ ആക്രമിച്ചത്. അതേസമയം, പാലക്കാട് ജില്ലാ ആശുപത്രിയിൽ തെരുവ് നായയുടെ കടിയേറ്റ് ഇന്നു ചികിത്സ തേടിയത് 27 പേരെന്നാണ് റിപ്പോർട്ട്.