സംസ്ഥാന സര്‍ക്കാരിന്‍റെ ഒന്നാം വാര്‍ഷികത്തോടനുബന്ധിച്ച്‌ മേയ് എട്ട് മുതല്‍ മെയ് 31 വരെ എല്ലാ ദിവസവും ഇടുക്കി, ചെറുതോണി ഡാമുകളില്‍ സന്ദര്‍ശകര്‍ക്ക് പ്രവേശനം അനുവദിച്ചതായി മന്ത്രി റോഷി അഗസ്റ്റിന്‍ അറിയിച്ചു.
മെയ് ഒമ്ബത് മുതല്‍ 15 വരെ വാഴത്തോപ്പ് ഗവ. ഹയര്‍ സെക്കണ്ടറി സ്കൂള്‍ ഗ്രൗണ്ടില്‍ നടക്കുന്ന ജില്ലാതല പ്രദര്‍ശന വിപണന മേളയോടനുബന്ധിച്ച്‌ വിവിധ മേഖലകളിലേക്ക് ട്രക്കിംഗ്, ഇടുക്കി ജലാശയത്തില്‍ ബോട്ടിംഗ് തുടങ്ങിയവയും സംഘടിപ്പിച്ചിട്ടുണ്ട്.
രാവിലെ 9.30 മുതല്‍ വൈകിട്ട് അഞ്ച് വരെയാണ് ഡാമുകളില്‍ സന്ദര്‍ശന സമയം. മുതിര്‍ന്നവര്‍ക്ക് 40 രൂപയും കുട്ടികള്‍ക്ക് 20 രൂപയുമാണ് ടിക്കറ്റ് നിരക്ക്. ഡാമിന് മുകളിലൂടെ ബഗ്ഗി കാറില്‍ സഞ്ചരിക്കുന്നതിന് എട്ട് പേര്‍ക്ക് 600 രൂപയാണ് നിരക്ക്. കാല്‍വരി മലനിരകളും ഹില്‍വ്യൂ പാര്‍ക്കും അഞ്ചുരുളി, പാല്‍ക്കുളംമേട്, മൈേക്രാവേവ് വ്യൂ പോയിന്‍റ് എന്നിവിടങ്ങളും മേളയോടനുബന്ധിച്ച്‌ സന്ദര്‍ശിക്കാന്‍ അവസരമുണ്ട്.
