ന്യൂഡല്ഹി: പോളണ്ടിലെ പുതിയ ഇന്ത്യന് അംബാസിഡറായി കാസര്ഗോഡ് സ്വദേശിനി നഗ്മ മുഹമ്മദ് മാലിക്ക് ചുമതലയേറ്റു.കാസര്ഗോഡ് ഫോര്ട്ട് റോഡില് താമസിക്കുന്ന മുഹമ്മദ് ഹബീബുള്ളയുടെയും സുലു ബാനുവിന്റെയും മകളാണ് ഈ മലയാളി വനിത.
നഗ്മ ചുമതലയേറ്റത് സെപ്റ്റംബര് ഒന്നിനാണ് . ഡല്ഹിയില് ജനിച്ചു വളര്ന്ന നഗ്മ സെന്റ് സ്റ്റീഫന്സ് കോളജിലും ഡല്ഹി സ്കൂള് ഓഫ് ഇക്കണോമിക്സിലുമാണ് പഠിച്ചത്. കൂടാതെ ഇംഗ്ലീഷ് സാഹിത്യത്തില് ബിരുദവും സാമ്ബത്തിക ശാസ്ത്രത്തില് ബിരുദാനന്തര ബിരുദവുമുണ്ട്.
നഗ്മയ്ക്ക് ആദ്യ നിയമനം ലഭിച്ചത് പാരീസിലെ യുനെസ്കോയുടെ ഇന്ത്യന് മിഷനിലേക്കായിരുന്നു. തുടര്ന്ന് വിദേശകാര്യ മന്ത്രാലയത്തിന്റെ വിവിധ വകുപ്പുകളിലും പ്രവര്ത്തിച്ചു . കൂടാതെ മുന് പ്രധാനമന്ത്രി ഐ.കെ. ഗുജ്റാളിന്റെ സ്റ്റാഫ് ഓഫീസറായിരുന്നു നഗ്മ.