മമ്മൂട്ടിയെ ‘ഡാ മമ്മൂട്ടി’ എന്ന് മുഖത്ത് നോക്കി വിളിക്കാന്‍ സ്വാതന്ത്ര്യമുള്ള ഏറ്റവും അടുത്ത് സുഹൃത്തായിരുന്നു അന്തരിച്ച കെ.ആര്‍. വിശ്വംഭരന് ഐഎഎസ്. ലോ കോളജിലെ സഹപാഠിയായിരുന്നു മമ്മൂട്ടി. കെ.ആര്‍. വിശ്വംഭരന് അന്ത്യാഞ്ജലി അര്‍പ്പിക്കാന്‍ കാണാന്‍ ഭാര്യ സുല്‍ഫത്ത് മകന്‍ ദുല്‍ഖറിന്‍റെ ഭാര്യ അമാലിനുമൊപ്പമായിരുന്നു മമ്മൂട്ടി എത്തിയത്. മമ്മൂട്ടിയുടെ ജീവകാരുണ്യപ്രവര്‍ത്തനങ്ങളുടെ ചുമതലയുള്ള റോബര്‍ട്ട് ജിന്‍സ് കുറിപ്പാണ് വൈറലാകുന്നത്.
ഫേസ്ബുക്ക് പോസ്റ്റ്
‘ഡാ ജിന്‍സെ, എന്‍റെ കയ്യില്‍ 100 പുത്തന്‍ സ്മാര്‍ട്ട്‌ ഫോണ്‍ കിട്ടി കഴിഞ്ഞു. നീ മമ്മൂട്ടിയെ വിളിച്ചു പറ.ഞാന്‍ പറഞ്ഞാല്‍ അവന്‍ ഞെട്ടില്ല. നീ തന്നെ പറ, അവന്‍റെ പരിപാടിക്ക് ഞാന്‍ സംഘടിപ്പിച്ചു വച്ചിരിക്കുന്നു എന്ന്..’
എന്നോട് ഇങ്ങനെ പറഞ് രണ്ടു നാള്‍ കഴിഞ്ഞാണ് സാര്‍ അഡ്മിറ്റ്‌ ആയ വിവരം അറിയുന്നത്.. എത്ര വിലപ്പെട്ടവനാണ് പ്രിയപ്പെട്ടവനാണ് എന്ന് പറഞ്ഞറിയിക്കാന്‍ വയ്യ. മമ്മൂക്കയെ ‘ഡാ മമ്മൂട്ടി’ എന്ന് മുഖത്ത് നോക്കി വിളിക്കാന്‍ സ്വാതന്ത്ര്യം ഉള്ള എനിക്കറിയാവുന്ന ഒരേ ഒരാള്‍..ഞങ്ങളുടെ കെയര്‍ ആന്‍ഡ് ഷെയറിന്റെ ഒരു ഡയറക്ടര്‍!’
