വാഷിങ്​ടണ്‍: വിയന്നയിലെ യു.എസ്​ നയതന്ത്ര പ്രതിനിധികളില്‍ കണ്ടെത്തിയ അപൂര്‍വ രോഗമായ ‘ഹവാന സിന്‍ഡ്രം ‘ദുരൂഹതയായി മുന്‍നിര യു.എസ്​ ഉദ്യോഗസ്​ഥര്‍ക്കിടയിലും പടരുന്നു. 100 സി.എ.എ ഉദ്യോഗസ്​ഥരുള്‍പെടെ 200 ഓളം യുഎസ് പ്രമുഖര്‍ക്കാണ്​ ഇതിനകം രോഗം സ്​ഥിരീകരിച്ചത്​. തലകറക്കവും മൈഗ്രേനും ഛര്‍ദ്ദി ലക്ഷണങ്ങളുമായി പിടിമുറുക്കുന്ന ഹവാന സിന്‍ഡ്രം റഷ്യന്‍ ‘സംഭാവന’യാണോ എന്നാണ് അധികൃതര്‍ ​ ​അന്വേഷിക്കുന്നത്​.

അതെ സമയം നേരത്തെ ഉസാമ ബിന്‍ ലാദിന്റെ ഉറവിടം കണ്ടെത്താനായി നിയമിച്ച സംഘത്തില്‍ അംഗമായിരുന്ന മുതിര്‍ന്ന ഉദ്യോഗസ്​ഥനാണ്​ അന്വേഷണ ചുമതല. എന്നാല്‍ ഈ സംഭവത്തില്‍ പ​ങ്കില്ലെന്ന്​ റഷ്യ വെളിപ്പെടുത്തുന്നു .

ആസ്​ട്രിയയിലെ വിയനയിലുള്ള യു.എസ്​ നയതന്ത്ര പ്രതിനിധികളില്‍ അടുത്തിടെ കണ്ടെത്തിയ രോഗം ​ മറ്റു കേന്ദ്രങ്ങളിലെയും യു.എസ്​ ഉദ്യോഗസ്​ഥരില്‍ തിരിച്ചറിഞ്ഞത് വളരെ പെട്ടെന്നായിരുന്നു ​. നയതന്ത്ര പ്രതിനിധികള്‍ക്ക്​ പുറമെ രഹസ്യവിഭാഗമായ സി.എ.എയിലും രോഗo വ്യാപിച്ചിട്ടുണ്ടെന്നാണ് റിപ്പോര്‍ട്ടുകള്‍ .

എന്നാല്‍ നേരത്തെ ക്യൂബ നടത്തിയ ആക്രമണമെന്ന നിലക്കാണ്​ രോഗത്തിന്​ ‘ഹവാന സിന്‍ഡ്രം എന്നു പേരുവന്നിരുന്നത്​. അതെ സമയം ഇക്കുറി ,ക്യൂബയെ മുനയില്‍നിര്‍ത്തുന്നതിന്​ പകരം റഷ്യക്കെതിരെയാണ്​ ആരോപണം. 2016 ല്‍ ക്യൂബന്‍ തലസ്​ഥാനമായ ഹവാനയിലെ യു.എസ്​ എംബസി ഉദ്യോഗസ്​ഥരിലാണ്​ ആദ്യം ഈ അപൂര്‍വ രോഗം കണ്ടെത്തിയത് .