ഡോ. ജോര്ജ് എം.കാക്കനാട്
ഹ്യൂസ്റ്റണ്: ഹെയ്തി പ്രസിഡന്റ് ജോവനല് മോയിസിനെ വധിച്ച കേസിലെ പ്രധാന പ്രതിയെന്നു സംശയിക്കുന്നയാള് അറസ്റ്റില്. ഫ്ലോറിഡ ആസ്ഥാനമായി പ്രവര്ത്തിക്കുന്ന ഒരു ഹെയ്തിയന് ഡോക്ടറിനെയാണ് കൊലപാതകത്തിന്റെ ആസൂത്രകന് എന്ന നിലയ്ക്ക് ഇപ്പോള് അറസ്റ്റ് ചെയ്തിരിക്കുന്നത്. അറസ്റ്റിന് പിന്നില് എഫ്ബിഐ യുടെ പങ്ക് വ്യക്തമായിട്ടില്ല. പ്രസിഡന്റ് കൊലപാതകത്തില് എഫ്ബിഐ യും ഹെയ്തിയന് പോലീസിനൊപ്പം സഹകരിക്കുന്നുണ്ട്. എന്നാല്, കൊളംബിയന് കൊലപാതകസംഘമാണ് സംഭവത്തിനു പിന്നിലെന്നായിരുന്നു ഇതുവരെയും കരുതിയിരുന്നത്. ഈ നിലയ്ക്ക് ചിലര് അറസ്റ്റിലാവുകയും ചെയ്തിരുന്നു. നിലവില് കൊലപാതകവുമായി ബന്ധപ്പെട്ട് രണ്ട് ഡസനോളം പേരെ അറസ്റ്റ് ചെയ്തിട്ടുണ്ട്. ഞായറാഴ്ചയാണ്, ഹെയ്തിയന് അധികൃതര് ഡോക്ടറായ ക്രിസ്റ്റ്യന് ഇമ്മാനുവല് സനോന് (63) എന്ന വ്യക്തിയാണ് മുഖ്യപ്രതിയാണെന്നു കണ്ടെത്തിയതും അറസ്റ്റ് ചെയ്തതും. കഴിഞ്ഞയാഴ്ച പ്രസിഡന്റിനെ അദ്ദേഹത്തിന്റെ സ്വകാര്യ ഭവനത്തിലെ കിടപ്പുമുറിയില് വച്ച് കൊലപ്പെടുത്തിയതിന് പിന്നിലെ ഗൂഢാലോചനയെക്കുറിച്ച് ഹെയ്റ്റി അധികൃതര് അവരുടെ ഏറ്റവും വിശദമായ വിവരണം നല്കിയപ്പോഴും, സംഭവങ്ങളുടെ കിടപ്പിനെക്കുറിച്ച് പൊതുജനങ്ങള്ക്കിടയില് വ്യാപകമായ സംശയമുണ്ടായിരുന്നു. ഇപ്പോള് ഈ അറസ്റ്റോടെ കാര്യങ്ങള്ക്ക് വ്യക്തത വരുമെന്നാണ് സൂചന.
രാജ്യത്തിന്റെ നിയന്ത്രണത്തിനായി വര്ദ്ധിച്ചുവരുന്ന കടുത്ത പോരാട്ടം നടക്കുന്നതിനിടയിലായിരുന്നു കൊലപാതകമെന്നതിനാല് പ്രത്യേകിച്ചു. ഹെയ്തിയിലെ ഇതിനകം തന്നെ ഭീകരമായ ഒരു സാഹചര്യമാണ് നിലനില്ക്കുന്നത്. നിയന്ത്രണാതീതമായി ജനങ്ങള് തെരുവില് ഇറങ്ങുമെന്ന് ഭീഷണിപ്പെടുത്തുന്നതിനാല് പൊതുവായ അസ്വസ്ഥത വലിയ തോതില് ഇവിടെ വളര്ന്നിട്ടുണ്ട്. അമേരിക്കന് സഹായം അഭ്യര്ത്ഥിച്ച ഹെയ്തി അധികൃതര് അമേരിക്കയില് നിന്നു തന്നെ മുഖ്യപ്രതിയെ അറസ്റ്റ് ചെയ്തുവെന്നത് സംഭവത്തിന് കൂടുതല് രാജ്യാന്തരമാനം നല്കുന്നു. ഇപ്പോള് പ്രവര്ത്തനരഹിതമായ അവസ്ഥയില് കഴിയുന്ന ഹെയ്തിയന് പാര്ലമെന്റിലെ ഭൂരിപക്ഷം സിറ്റിംഗ് അംഗങ്ങളും ഇടക്കാല പ്രധാനമന്ത്രി ക്ലൗഡ് ജോസഫിന് പകരം പുതിയ പ്രധാനമന്ത്രിയെ ആവശ്യപ്പെടുന്നു. സൈന്യത്തെ അയയ്ക്കാന് അമേരിക്കയോട് ആഹ്വാനം ചെയ്യുന്നതുള്പ്പെടെ, രാജ്യത്തെ സുസ്ഥിരമാക്കുന്നതിന് വിദേശ ഇടപെടലിനായി ജോസഫ് നിരന്തരമായ അഭ്യര്ത്ഥനകള് നടത്തിയിട്ടുണ്ട്. എന്നാല്, ഹെയ്തിയിലേക്ക് സൈനികരെ നല്കാന് ബുദ്ധിമുട്ടുണ്ടെന്നു അമേരിക്കന് ഉദ്യോഗസ്ഥര് സൂചിപ്പിച്ചു, എന്നാല് കഴിഞ്ഞയാഴ്ച നടന്ന കൊലപാതകം പരിശോധിക്കാന് സഹായിക്കുന്നതിന് ഒരു സംഘം അന്വേഷണ സംഘത്തെ അയച്ചിട്ടുണ്ട്.
പ്രസിഡന്റിനെ വധിച്ചതുമായി ബന്ധപ്പെട്ട് അറസ്റ്റിലായ മുഖ്യപ്രതിയായ ഡോക്ടര്ക്ക് ഇതിനു പിന്നിലെ ഉദ്ദേശം കണ്ടെത്താന് ഇതുവരെ കഴിഞ്ഞിട്ടില്ലെന്ന് ഹെയ്തിയുടെ ദേശീയ പോലീസ് മേധാവി ലിയോണ് ചാള്സ് പറഞ്ഞു. ഡോ. സനോണ് ഈ ഗൂഢാലോചനയില് ഒരു പ്രധാന പങ്ക് വഹിച്ചുവെങ്കിലും ഡോക്ടര്ക്ക് എങ്ങനെ സര്ക്കാരിനെ നിയന്ത്രിക്കാന് കഴിയുമായിരുന്നു എന്നതിന് ഒരു വിശദീകരണവും നല്കിയില്ല. ഡോ. സനോണിന്റെ അറസ്റ്റ് കൊളംബിയ മുതല് മിയാമി വരെ അതിവേഗം നീങ്ങുന്ന അന്വേഷണത്തിന് വലിയൊരു തുമ്പായി മാറി. രാഷ്ട്രീയ ലക്ഷ്യങ്ങളുമായി ജൂണില് ഡോക്ടര് സ്വകാര്യ വിമാനത്തില് ഹെയ്ത്തിയില് എത്തി. ഈ പ്രവൃത്തി ചെയ്ത ആളുകളെ റിക്രൂട്ട് ചെയ്യുന്നതിനായി ഒരു സ്വകാര്യ സുരക്ഷാ സ്ഥാപനവുമായി ബന്ധപ്പെട്ടു. അമേരിക്കയില് പ്രവര്ത്തിക്കുന്ന വെനസ്വേലന് സുരക്ഷാ കമ്പനിയായ സിടിയു എന്ന കമ്പനിയാണ് ഘാതകരെ റിക്രൂട്ട് ചെയ്ത് ഡോക്ടര്ക്ക് നല്കിയത്.
ഇയാളുടെ വീട്ടില് നടത്തിയ റെയ്ഡിനിടെ പോലീസ് ആറ് ഹോള്സ്റ്ററുകള്, 20 ഓളം ബോക്സ് ബുള്ളറ്റുകള്, ഉപയോഗിക്കാത്ത 24 ഷൂട്ടിംഗ് ടാര്ഗെറ്റുകള്, ഡൊമിനിക്കന് റിപ്പബ്ലിക്കില് നിന്നുള്ള നാല് ലൈസന്സ് പ്ലേറ്റുകള്. 2011 ല് റെക്കോര്ഡുചെയ്ത ഒരു വീഡിയോ ഡോ. ക്രിസ്റ്റ്യന് സനോണിന്റെ വസതിയില് നിന്നും കണ്ടെടുത്തു. ഇതില് നേതാക്കളെ അഴിമതിക്കാരാണെന്ന് അപലപിക്കുന്നു. കഴിഞ്ഞയാഴ്ച അറസ്റ്റിലായ രണ്ട് അമേരിക്കക്കാര് പ്രസിഡന്റ് കൊല്ലപ്പെടുമ്പോള് മുറിയില് ഇല്ലായിരുന്നുവെന്നും ഹിറ്റ് സ്ക്വാഡിന്റെ പരിഭാഷകരായി മാത്രമേ അവര് പ്രവര്ത്തിച്ചിട്ടുള്ളൂവെന്നും ചോദ്യം ചെയ്യലിന് നേതൃത്വം നല്കുന്ന ഒരു ഹെയ്തിയന് ജഡ്ജി പറഞ്ഞു. ആക്രമണം ആസൂത്രണം ചെയ്യുന്നതിനായി ഹെയ്റ്റി തലസ്ഥാനമായ പോര്ട്ട് പ്രിന്സിന്റെ പെഷന്വില്ലെ നഗരപ്രാന്തത്തിലെ ഒരു ഉയര്ന്ന ഹോട്ടലില് വച്ച് അവര് കൂടിക്കാഴ്ച നടത്തിയെന്നു വ്യക്തമായിട്ടുണ്ട്. പ്രസിഡന്റിനെ കൊല്ലുകയായിരുന്നതല്ല ലക്ഷ്യം മറിച്ച് അദ്ദേഹത്തെ അധികാരത്തില് നിന്നും പുറത്താക്കുകയായിരുന്നു ഉദ്ദേശമെന്ന് ഇവര് മൊഴി കൊടുത്തിട്ടുണ്ട്.