കോവിഡ് ബാധിച്ച് ലോകത്ത് ഇതുവരെ ഏഴായിരത്തിലേറെ ആരോഗ്യപ്രവര്ത്തകര് മരിച്ചതായി റിപ്പോര്ട്ട്. ആനംസ്റ്റി ഇന്റര്നാഷണലാണ് ഇതുസംബന്ധിച്ച കണക്കുകള് പുറത്തുവിട്ടത്. മെക്സിക്കോയില് ആണ് ഏറ്റവും കൂടുതല് ആരോഗ്യപ്രവര്ത്തകര് മരിച്ചത്. 1320 ആരോഗ്യപ്രവര്ത്തകരാണ് ഇവിടെ മരണത്തിന് കീഴടങ്ങിയതെന്നാണ് ആനംസ്റ്റിയുടെ കണ്ടെത്തല്.
അമേരിക്കയിലും ബ്രസീലിലും മരിച്ച ആരോഗ്യ പ്രവര്ത്തകരുടെ എണ്ണം കൂടുതലാണ്. 1,077 പേരാണ് അമേരിക്കയില് മരിച്ചത്. ബ്രസീലില് 634 പേരും മരിച്ചു. ഇന്ത്യയില് ഇതുവരെ 573 ആരോഗ്യ പ്രവര്ത്തകരുടെ മരണവും റിപ്പോര്ട്ട് ചെയ്തു. ദക്ഷിണാഫ്രിക്കയിലും ഇന്ത്യയിലും രോഗവ്യാപനം കൂടുന്നത് പ്രതിരോധ നടപടിയുടെ ആവശ്യകത വ്യക്തമാക്കുന്നെന്നും ആനംസ്റ്റി റിപ്പോര്ട്ടില് പറയുന്നു.